Chelsea player khel khat tak Gary Cahill chu English media thenkhatte chuan kumthar January thla thlasik bazar hunah Arsenal zawm tur angin an sawi nasa hle.

Cahill hian tun season-ah Chelsea tan vawi sarih chiah a la khel a, Premier League-ah vawikhat chiah a la inlan. Cahill hian chhuah mai a duh a rinawm a, a tawngkam atang pawhin chhuah mai a hreh lo tih a lang zeuh zeuh tawh. Arsenal lam hian defender inhliam an ngah hle a, Rob Holding phei chu tun season chhungin a inlan thei tawh dawn lo.

Arsenal leh Chelsea-te hi in hal hle in, London club ve ve ni mahse Chelsea chuan an goalkeeper Petr Cech pawh Arsenal-ah an lo kal tir tawha, kum 33 mi Cahill pawh hi a man a zirin Arsenal zawm tir an hreh a rinawm lo.

Cahill duhtu zingah Premier League club dang Southampton hming pawh a langa, Championship team Aston Villa pawhin Chelsea defender hi an iai lo niin sawi a awm. Chelsea-ah Cahill-a tan beisei tur a awm tawh lo hle a, manager Maurizio Sarri pawhin Cahill chu box chhungah tha hle mahse a game khelh duhdan nen Cahill chu a inrem loh thu a lo sawi tawh .

Season tawp rualin Chelsea-a a contract neih lai a tawp dawn avangin Cahill hi a thlawna chhuahtir mai lovin,Chelsea chuan thlasik bazar laiin an London club pui Arsenal hnenah an kal tir mai a rinawm chho ta hle a ni.