Antony-a’n Manchester United zawm ngei a duh

23rd June 2022, 05:06PM

Manchester United chuan Ajax forward Antony lakluh an tum mek a, Brazilian forward hian Manchester United zawm ngei a tum hle nia report a ni.

United leh Ajax te hi kum 22 mi Antony-a chungchangah hian inbe tan tawh mah se, United hian official-in indawrna an thehlut lo nia sawi a ni a, an thehluh thuai erawh a rinawm.

Mason Greenwood-a’n thubuai a awrh mek bakah, Edinson Cavani chu a chhuah dawn bawk avangin, United hian forward thar an dap mek a, United boss thar Erik ten Hag chuan Ajax lama a player Antony hi lakluh a duh.

Antony hi ke veilam hmang thiam tak, right wing lama khel a ni a, Jadon Sancho leh Marcus Rashford ten beisei an phak loh em avangin Antony hi United mamawh tak niin a lang.

Kum 2020 khan kum 22 mi Antony hian Brazilian club Sao Paulo chhuahsanin Ajax hi a zawm a, United hian kumin February thla atang khan Antony hi an lo ngaihven tan tawh nia tarlan a ni.


Inkhel Youtube News, Pic-ah hian click rawh le

Copyright © inkhel.com 2022. All rights reserved.