UFC heavyweight champion hlui Francis Ngannou chuan March thla-a British heavyweight boxer Anthony Joshua a hmachhawn hunah knock out hmanga a chak a rin thu a sawi.

Ngannou hian professional boxing career-a a fight pahnihnaah unified heavyweight champion vawi hnih lo ni tawh Joshua hi a hmachhawn dawn a, March thla ni 8-ah Saudi Arabia khawpui Riyadh-ah an inhnek dawn.

Ngannou hian nikum October thla khan a professional boxing fight hmasa berah WBC heavyweight champion lai Tyson Fury a hmachhawn a, Nagnnou hi split decision-in chak lo mah se, Fury hi a knock down a, Joshua lakah erawh chak ngei tawh a inbeisei hle.

MMA Hour in an kawmnaah Ngannou chuan, “Anthony Joshua hi ka knock out ka ring ber a, Fury aiin hnek thluk a awl zawkin ka hria. Fighter chak lo a ni ka tihna a ni hauh lova, fighter tha tak a ni a, mahse Fury aiin a tlu awlsam dawn a, Fury aiin thawh leh a harsat zawk bawk ang,” tiin a sawi.

Ngannou hi tunah hian France khawpui Paris-ah a awm mek a, kar leh hian Joshua nena an inhnek tur chungchangah London-ah press conference an nei dawn a, press conference zawh hian Saudi Arabia-ah training camp neih a tum thu kum 37 mi hian a sawi bawk a ni.