Ningani zing khan Real Madrid chuan pre-season game hmasa ber an khel a, si khat faiin AC Milan lakah an tlawm.

He match-ah hian Brazilian club Palmeiras atanga an lak luh Endrick chu a inlan ve nghal a, Chicago-a Soldier Field-ah Endrick hi a khel tha nghal hle.

Real Madrid boss Carlo Ancelotti chuan, "A tlan chak em em, hmun zimah a hlauhawm bawk. Rang takin a vir a, a phit thin a, hmun thawl insiam turin a che rang em em bawk.

"Hetiang theihna nei a nih avangin talent nei tha tak a ni kan ti reng bawk. Hetiang player tha hmuh hi a nuam hle a ni," tiin Endrick chungchang a sawi.

Milan an hmachhawn tum hian minute 56-ah Nigeria winger Samuel Chukwueze chuan goal awmchhun a khung.

Real Madrid tan hian Kylian Mbappe, Vinicius Jr, Jude Bellingham leh Rodrygo te an inlan ve lo a, Pathianni hian Real Madrid chuan Barcelona an hmachhawn dawn a ni.