Amir Khan-a'n inhnek a chawlhsan

13th May 2022, 08:05PM

World champion hlui Amir Khan chuan kum 17 chhung professional boxing a luhchilh hnuah chawlh zai a rel ve ta.

Kum 35 mi hian boxing a khelh chhungin light-welterweight world champion nihna a chelh hman a, kum 2004 khan Athens Olympic-ah silver medal a hlawhchhuak bawk.

British boxer hian kum 2005 khan professional luhchilhin game 34-ah hnehna a chang a vawiruk a tlawm.

Kum 2004 khan kum 17 mi chauh niin Athens Olympic-ah a tel a, hemi áš­um hian Great Britain team zinga boxer awmchhun a ni nghe nghe.

Athens-a silver a lak avangin Great Britain team chuan boxing tih hmasawn nan sum an hmuh belh phah a, Anthony Joshua leh Nicola Adams-te rawn larchhuahna ani zui ta bawk.

Khan inhnek hnuhnun ber chu kumin February thla khan niin a hnampui Kell Brook lakah a tlawm.

Kum 36 mi Brook pawh hian world welterweight kawnghren a hreng hman a, tun thla tir lam khan inhnek a chawlhsan thu a puang tawh a ni.

Copyright © inkhel.com 2022. All rights reserved.