Aizawl FC in Durand Cup ankhelh avanga, MC Dowell's No 1 Soda Mizoram Premier League Seasion 5 Round 2 ankhelh hmabak chu September 3, Thawhtanni khan khelh a ni. I Day Football final-ah team pahnih te hi hunpangngaiah 1-1 a an in- hneh tawk hnuah penalty shootout-ah Aizawl FC chuan 7-6 a hnehin Ramhlun North FC an tlawm a, MPL 5 an intawn leh hmasak berah Ramhlun North FC an tlawm nawn leh ta a ni.

Aizawl FC tan Bright Middleton Mends chuan goal hnih khungin Ramhlun North FC tan Lalchhuanpuia chuan goal khat a- khung ve bawk. He inkhelah hian goal hnih khungtu Aizawl FC striker Bright Middleton Mends chu Man of the match-ah thlan a ni.

Aizawl FC 2-1 Ramhlun North FC

(Bright Middleton Mends 10', 76') ( Lalchhuanpuia 43')

MoM:Bright Middleton Mends (AFC)

Aizawl FC XI:- T Mawia, Achia, Rinzuala, Chullova, Tea, Bta, Rohminga, Albert, Brandon, B Mends, William.

Ramhlun North FC XI:- Sangpuia, Ruatfela, Muantea, Ramdina, Muanawma, Anggu, Chhuanpuia, Thlamuana, Jerry Fanai, Sawmtea, Mca.

Inkhel tan atanga minute 10-a ral hmain Aizawl FC chuan an chance neih hmasak ber hmang tangkaiin Achi-a ball cross tha zet chu Ghanaian player Middleton chuan mawitaka tauh lutin an hmahruaina goal-a khunga, Ramhlun North FC tan Thlamuana'n ansiphur sutna hun tha vawihnih a hloh. Sawmte leh Jerry-a thawhhlawk viau mahse, Mca tan ball tha anhlui thei lo, Aizawl FC tan Alberta'n goal shoot tha zet chu Ramhlun North FC keeper Sangpuia'n adang hman hlauh. Goal luhbelh lo in chawlhlawk anhmang tawh dawn emaw tihhnu huntawp nan Minute 2-ala awmin Chhuanpuia chuan Ramhlun North FC tan freekick anhlawh chhuah atangin ansiphur sutna goal-a khunga, 1-1 a inhnehtawkin chawlhlawk an hmang ta a ni.

Second half-ah Ramhlun North FC tan Chhaia, Malsawma leh David-a te rawn lutin an goal bawh nasawt mahse goal dang erawh anthun belh mai thei bik lo. Aizawl FC coach Mala chuan Remsanga a luhtir bakah player anlak thar Nigerian midfielder Eniwo Benjamin Onome rawn luhtir ve bawk. Nigerian midfielder hian duhthu ala sam tawk lo. Aizawl FC chuan inkhel thunun  zawkin,  Minute 76-ah Brandon-a, Albert-a leh Lalramhmunmawia (Tea) te thawhrah sengin Bright Middleton Mends chuan an goal hnihna leh chakna goal akhung ta a ni.

Aizawl FC hian khelh rukah point 10 nei tawhin table-ah palina an la hauh rih a, Ramhlun North FC hian khelh rukah point 4 nei tawhin table-ah pasarihna dinhmun anluah mek a,  Sawmtea, Chhaia leh Jerry-a bakah Thlamuana leh Mca te nei mahse result tha anneih theih rih loh avangin relegation battle tlansan turin insiam that an mamawh.

(adsbygoogle = window.adsbygoogle || []).push({});