Aizawl District Volleyball Association (ADVA) buatsaih season opening Volleyball Tournament chu September ni 1, Inrinni khan R Dengthuama Hall-ah final khelh a ni a, Mipa Armed Veng south an champion a, hmeichhia Shalom Muana Veng an champion thung.

Mipa final-ah Armed Veng South chuan 3-0 (25-18, 25-17, 25-19) a Alliance VC Muanna Veng hnehin an champion. Lalrintluanga, Armed Veng South chu Valuable player-ah thlan a ni. Champion Armed Veng South hian Rs 15,000/- leh trophy an dawng a, pahnihna Alliance VC Muana Veng hian Rs 8,000/- trophy an dawng thung.

Hmeichhia final-ah Shalom Muanna Veng chuan 3-0 (25-18, 25-18, 25-10) a Armed Veng South hnehin an champion ve bawk. Lalremruati, Shalom Muanna Veng chu Valuable player-ah thlan a ni. Champion Shalom Muanna Veng hian Rs 10,000/- trophy an dawng a, pahnihna Armed Veng South hian Rs 5,000/- trophy an dawng thung.

(adsbygoogle = window.adsbygoogle || []).push({});