Ningani zan khan Real Madrid chuan Getafe an tlawh a, si hnih faiin Real Madrid-in hnehna an chang.

Real tan Joselu chuan goal hnih a khung a, Getafe tan Mason Greenwood pawh a khel tha leh pek hle a, goal post vawi hnih lai a pet per.

Minute 14-naah mual dinglam sir atanga Lucas Vázquez cross chu Joselu chuan a tauh goal a, second half minute 56-ha Vinicius Jr.-a ball pek chu Joselu hian box chhung chiah atangin bottom corner-ah a chhuih goal leh bawk.

He match-ah hian Vinicius Jr. chuan chance tha lutuk vawi hnih thum a hlah a, goalkeeper chiah a hmachhawn tawhin a pet goal lo hlawm. 

Chak zo lo mah se Mason Greenwood a khel a hmuhnawm leh pek hle, chance hlauhawm tak tak a nei a, vawi hnih lai Real Madrid goal post a pet per.

Rudiger leh Greenwood an intauh palh a, Real Madrid defender hi lakchhuah ngai khawpin a inhliam.

Khelh 22 atangin Real Madrid hian point 57 an hlawhchhuak a, La Liga hmahruaitu an ni leh ta. Pahnihna Girona chuan point hnihin an phak lo mek a, palina Barcelona nena an inthlauhna chu point 10 lai a ni leh ta bawk.