LBS Suzuki Inter Branch YMA 5s Hockey Tournament chu March ni 15, Zortawpni khan Chaltlang Field-ah Mipa leh Hmeichhia semifinal khelh a ni a, Hmeichhia Durtlang leh Sihphir chuan final an lut. Mipa Durtlang leh Kawnpui Venglai Red chuan final an lut bawk.

Final hi March ni 16, Inrinni chawhnu dar 1:30-ah khelh tur a ni a, Hmeichhia Durtlang leh Sihphir ten an khel hmasa ang a, dar 2:30-ah Mipa Durtlang leh Kawnpui Venglai Red ten an khel ang.

Semifinal Hmeichhia inkhel hmasa zawkah Durtlang chuan 4-0 a Kawnpui Joint YMA hnehin final an lut. Durtlang tan K Ngaihpari chuan hattrick a siam a, Zonunpari chuan goal khat a khung ve bawk.

Inkhel hnuhnungah Sihphir chuan 8-6 a Bawngkawn hnehin final an lut ve bawk. Sihphir tan Lalrambeiseii chuan goal 5 a khung a, Lalsangzuali chuan goal hnih a khungin MS.Dawngzuali chuan goal khat a khung ve bawk. Bawngkawn tan Lalnunsiami chuan goal li a khung a, Lalmuanawmi chuan goal hnih a khung ve bawk.

Semifinal Mipa inkhel hmasa zawk Durtlang chuan 9-6 a Kawnpui Hmar Veng 'B' hnehin final an lut. Durtlang tan Lalrinkima chuan goal ruk a khung a, R Lallawmkima chuan goal hnih khungin Lalrinnunga chuan goal khat a khung ve bawk. Kawnpui Hmar Veng 'B' tan Lalramdina leh Lalruatsanga chuan goal hnih ve ve an khung a, Lalremdika leh Israel Ramtharnghaka chuan goal khat ve ve an khung bawk.

Inkhel hnuhnungah Kawnpui Venglai Red chuan 12-8 a Kawnpui Venglai Yellow hnehin final an lut ve leh ta a ni. Kawnpui Venglai Red tan Lalchhantluanga chuan goal nga a khung a, Lallawmawma chuan goal thum khungin Lalchenpuia chuan goal hnih a khung a, Lallawmkima leh Zothanpuia chuan goal khat ve ve an khung bawk. Kawnpui Venglai Yellow tan Lalhmingsanga leh Lalbiaktluanga chuan goal thum ve ve an khung a, Zonunsanga leh F Lalbiakzuala chuan goal khat ve ve an khung bawk.

March ni 15, Zirtawpni Semifinal Women / Men Results

Hmeichhia 10:00 AM

1. Kawnpui Joint YMA 0-4 Durtlang

(Zonunpari 1 goal, K. Ngaihpari 3 goal)

2. Sihphir 8-6 Bawngkawn

(Lalrambeiseii 5 goal, Lalsangzuali - 2 goal, MS.Dawngzuali 1 goal) (Lalnunsiami 4 goal, Lalmuanawmi 2 goal)

Mipa

1. Kawnpui Hmar Veng 'B' 6-9 Durtlang

(Lalramdina 2 goal, Lalruatsanga 2 goal, Lalremdika 1 goal, Israel Ramtharnghaka 1 goal) (Lalrinkima 6 goal, R Lallawmkima 2 goal, Lalrinnunga 1 goal)

2. Kawnpui Venglai Yellow 8-12 Kawnpui Venglai Red

(Lalhmingsanga 3 goal, Lalbiaktluanga 3 goal, Zonunsanga 1 goal, F Lalbiakzuala 1 goal) (Lalchhantluanga 5 goal, Lallawmawma 3 goal, Lalchenpuia 2 goal, Lallawmkima 1 goal, Zothanpuia 1 goal)

March ni 16 Final Fixtures

Women

01:30PM Durtlang vs Sihphir

Men

02:30 PM Durtlang vs Kawnpui Venglai Red

(adsbygoogle = window.adsbygoogle || []).push({});