Steve Clarke chuan kum 2026 thlenga Scotland head coach ni turin contract thar a ziak.

Clarke hi 2019-ah lutin, 2026 World Cup thlengin Scotland team a kai hruai dawn.

Scotland-in Euro 2024 qualifying an khelh hmain contract thar chungchang hi tarlan a ni. Scotland hian Hampden-ah Cyprus leh Spain an hmachhawn dawn a ni.

"Ka coaching team-te nena team kan kaihruai chhunzawm tur hi ka lawm a, Euro 2014 qualifier-ah tha taka khelh phawt kan duh. 

"Cyprus kan hmachhawn hmasa ber dawn a, Coach-a ka luh tirha kan tum hmasak ber an ni bawk.

"A hma ai kha chuan hma kan sawn nasa tawh a, tawn hriat pawh kan ngah tawh. 

"Fans 30,000 chuang hmaah kan khel dawn a, fan-te kan chawh phur a ngai dawn,"tiin Clarke chuan a sawi a ni.