UEFA-in a zir chiannaah kum 2023 chhunga club squad man to ber chu Manchester United a ni a, The European Club Finance and Investment Landscape-in a tarlan danin 2023 financial year chhunga United squad hlut zawng chu 1.42bn euros (£1.21bn) lai a ni.

Squad man to chhutnaah hian tehfung atana an hman ber chu transfer fee a ni a, kum 2020 khan Real Madrid chu squad man to ber an lo ni tawh a, an squad hlut zawng kha £1.13bn a ni.

United squad man tam zawng chhutnaah hian £82m man Antony, £80m man Harry Maguire, £73m man Jadon Sancho leh £70m man Casemiro te an tel. Hetih lai hian nipui bazar liamtaa an lei Rasmus Hojlund (£72m), Mason Mount (£55m) leh Andre Onana (£47m) te man erawh a tel lo thung.

Season hmasa khan squad man to ber ni mah se, Erik ten Hag-a hnuaiah United chu Premier League-ah pathumna an ni. Squad man toah hian Manchester City chu pahnihna an ni a, an squad hlut zawng hi 1.286bn Euros a ni.

Chelsea squad hlut zawng hi 1.084bn Euros a ni a, hei hi kum 2022 data kha lak niin, June 2022 atanga August 2023 chhunga player thar an leina  £850m erawh telh a ni lo.

Heng English club pathum te hi Real Madrid (1.031 Euros), PSG (938m Euros) leh Liverpool (905m Euros) ten an dawt a ni.