Marc Marquez chuan Valencia GP-a pathumna dinhmun a hauh hnuin World Champion a ni chhunzawm a, Moto GP-ah vawili a champion ta.

Valencia GP-ah hian Championship-a Marquez hnaih bertu Andrea Dovizioso a tlan tluan lo va, Lap 5 chiah hmabak an la nei tihah Ducati rider hi a chesual.

Dovizioso hi tlan tluan ta pawh nise Marquez tan champion-na hun tha ala tam tho va, Honda rider hian a chhe berah 11-na dinhmun a hauh phak chuan a champion thei tho.

Italian rider Dovizioso hi a team-mate Jorge Lorenzo chuan a kian duh lo a, garage lam ațangin kian tura hriattirna pawh a dawng nghe nghe.

Lorenzo hian pathumna hauhin a hnungah Dovizioso hi a tlan a, an hnungah Marquez awmin intlansiak boruak pawh a nung țha hle.

Spanish rider Lorenzo hi a tlu a hemi hnu lawk hian Dovizioso pawh tlu velehin Marquez champion-na a nemnghet.

Valencia GP-ah hian Honda driver Dani Pedrosa chuan pakhatna dinhmun a hauh a pahnihnaah Yamaha rider Johann Zarco a thleng ve bawk.

Kum 24 mi Marquez hi Moto GP-a vawi li champion thei naupang ber a ni a, World Championship-a vawiruk a champion-na a ni ta bawk a ni.