Real Madrid forward Cristiano Ronaldo chu kum 2017 Ballon d'Or winner niin Ballon d'Or trophy hi a vawi nga nan Paris-ah December ni 7 zan khan hlan a ni, Barcelona forward Lionel Messi nen vawi 5 ve ve an chawi ta a ni.

Ronaldo elpui ber nia sawi Messi hian Ballon d'Or vawi 5 lai a lo la tawh a, 4-1 in hma a hruai, mahse tunah chuan Ronaldo chuan a rawn nihrual ta. Kum 2008 khan Ronaldo hian a vawi khat nan Ballon d'Or a dawng a, 2009, 2010, 2011, 2012-ah te Messi-a'n a dawng mawlh mawlh, 2013 leh 2014-ah Ronaldo-a'n a dawng leh a, 2015-ah Messi-a'n a dawng ve leh a, kuminah Ronaldo chuan a vawi nga ve ta a ni.

Ronaldo hian season liamta khan Real Madrid chu Champions League leh La Liga a chawipui a, Messi nen khaikhin loh theih loh a ni a, stats-ah chuan Messi a chungnung zawk hret, Messi hian kumin chhungin game 61 khelin goal 52 a khung a, assist vawi 14 neiin trophy erawh 1 a chawi. Ronaldo erawh Game 56 khelin goal 49 a khung a, assist vawi 13 neiin trophy 4 lai a chawi. Ronaldo hian La Liga, Champions League, SuperCopa leh UEFA Super Cup te a chawi a ni.

FIFA leh Ballon d'Or kha kum 2009 atang khan tih kawp a ni a, khami hma khan FIFA Player of the year sem thin a ni, Ronaldo leh Messi te hian vawi khat ve ve an dawng. Kum 2016 atang khan Ballon d'Or leh FIFA award chu a hranga kalpui a ni leh ta a, Ronaldo chuan vawi hnih dawng tawhin Messi erawhin a la dawng lo a ni.

Final ranking of Ballon d'Or France Football 2017 :

10 - Harry Kane

9. Robert Lewandowski

8. N'Golo Kante

7. Kylian Mbappe

6. Sergio Ramos

5. Modric

4. Buffon

3. Neymar

2. Messi

1. Ronaldo