Portuguese Superstar C.Ronaldo chuan Manchester United-a a awm lai khan United player senior-te nen in kungkaihna tha tak an neih lem loh thu a sawi. Ronaldo hian 2008 khan Moscow-ah United hi Champions League a chawipui a nih kha.
Zanin(1:15) hian Real Madrid chuan Roma an hmachhawn dawn a, Real hi chak ngei tur a ngaih an ni. Champions League nomawi chawi zing ber Real tan Ronaldo khelh that a ngai hle ang.
Ronaldo hian Press Conference a neihnaah Barcelona hmatawng pathum Messi, Neymar leh Suarez-te inkungkaihna tha tak an neih thu leh inkawmngeih tak an nih hlawm thu sawi a ni chu a ning hle a ni ngei ang, hemi hi chhangin Ronaldo chuan," United-ah khan Champions League nomawi ka chawi a, nimahsela Ferdinand, Giggs leh Scholes-te nen kan kan in be tam lem lo khawp mai. Chibai kan buk a chu zawng chu a ni mai.
" Khelmual chhungah team tan theihtawp kan chhuah vek a ni. Inkuah vel chung chung hi tul ka ti lem lo. Professionals vek kan ni a, Bale-a hian ka inah lokal in zanriah a kil a ngai kher lo." tiin Bale nen an inlaichinna a sawi chhuak. Ronaldo hian tun season-ah Real Madrid tan goal 32 teh meuh a khung leh tawh a, heng zinga 11 hi Champions League-a a khung a ni.