UCL: Chelsea an chak laiin United an tlawm

15th September 2021, 04:09AM

2021-22 season atana UEFA Champions League chu nizan khan khelh tan a ni a, champion lai Chelsea chuan hnehna an chang a, United erawh an tlawm.

Chelsea chuan Stamford Bridge-ah Russian club Zenit St.Petersburg an lo mikhual a, Chelsea hi Romelu Lukaku goal khat hmangin an chak.

Inkhela goal awmchhun hi 69mins-a lut a ni a, Chelsea captain Cesar Azpilicueta ball cross dik zet chu Lukaku chuan goal-ah a lo tauh lut a, hei hi Chelsea chuan an chakpui ta a ni.

Chelsea 1-0 Zenit St. Petersburg

(Lukaku 69’)

Player Ratings

Chelsea: Mendy 5, James 6, Azpilicueta 7, Christensen 7, Rudiger 8, Alonso 5, Kovacic 5, Jorginho 5, Mount 6, Ziyech 3, Lukaku 8. Subs: Havertz 6, Chilwell n/a, Silva n/a, Loftus-Cheek n/a.
 
Zenit: Kritsyuk 7, Sutormin 6, Chistiakov 7, Rakitskyy 7, Douglas Santos 7, Malcom 5, Wendel 5, Barrios 8, Kuzyaev 7, Claudinho 5, Azmoun 6. Subs: Dzyuba n/a, Erokhin n/a, Kravtsov n/a, Mostovoy n/a, Krugovoi n/a.

Manchester United chu Switzerland-ah zinin, Swiss champion Young Boys an tlawh ve thung a, 2-1 in United hi an tlawm.

Inkhel tan atanga minute sawm leh tlem khelh a nihin United hian hma an hruai a, Bruno Fernandes-a pass dik leh fing tak chu Cristiano Ronaldo chuan a positioning dik tak hmangin a lo la a, goal-ah chantir zuiin United-in hma an hruai.

Darkar chanve chuang an khelh chho a, Aaron Wan-Bissaka chu a ma ball lak sual a umna lamah Martins-a lakah a foul a, referee chuan Wan-Bissaka hi hnawtchhuakin, player 10-in United hi an khelh a ngaih phah.

1-0 hian first half a tawp a, 70mins khelh a nih hma deuhin mual neitu lam Young Boys hian an si phurh an sut. Elia cross chu Moumi Ngamaleu chuan goal-ah a lo khung a, 1-1 a ni.

Team hnihte hi an inhnehtawk mai dawna a lan hnuah Young Boys hian injury time-ah goal an rawn khung a, Jesse Lingard chuan an goalkeeper David de Gea chu ball pek tum mahse Theoson Siebatcheu a hmu lo; Siebatcheu hian a hun tha hmang tangkaiin goal-ah ball a khung a, 2-1 in Young Boys hian Manchester United lakah hnehna an chang ta a ni.

Young Boys 2-1 Manchester United

(Ngamaleu 66’, Siebatcheu 90+5’) (Ronaldo 13’)

Player Ratings

Young Boys: Von Ballmoos 6, Hefti 6, Camara 6, Lauper 6, Garcia 6, Martins 7, Sierro 6, Fassnacht 6, Aebischer 6, Ngamaleu 6, Elia 7. Subs: Siebatcheu 7, Rieder 6, Sulejmani 6, Kanga 6, Zesiger 6.
 
Man United: De Gea 6, Wan-Bissaka 5, Lindelof 5, Maguire 6, Shaw 5, Fred 6, Van de Beek 6, Fernandes 6, Sancho 6, Ronaldo 6, Pogba 5. Subs: Dalot 6, Varane 6, Lingard 4, Matic 6, Martial 6.
Copyright © inkhel.com 2021. All rights reserved.