Season thar atanga Roma manager tur Mourinho

04th May 2021, 11:05PM

Italian club AS Roma chuan season thar atangin Portuguese manager Jose Mourinho chu an manager a nih tur thu an puang.

Tottenham chuan Mourinho hi thla hmasa khan thla 17 an chhawr hnuah an bana, Roma hian lalut zui ve leh nghalin, kum thum daih contract an ziahpui.

Roma hian vawiin khan tuna an manager Paulo Fonseca chu season tawpa a chhuah tur thu an puanga, hemi hnu deuh lawk hian Mourinho chu season thar atanga an manager a nih tur thu hi an puang zui nghal.

Mourinho chuan Serie A vawi thum chawi tawh Roma a enkawl tur chungchang sawiin, “Roma fan-te hi an ruhin an tak em em a, hei hi he hna la tura min hmin tu ber a ni a, season thar tan hun ka nghakhlel tawh hle a ni,” a ti.

Mourinho hi Italian football-ah a mikhual lo hle a, a hma in Inter Milan a lo enkawl tawha, kum hnih chhungin Inter hi trophy pali a chawipui hman a ni.

Roma hi kum 58 mi Mourinho-a club enkawl pasarihna tur a ni a, a hma in FC Porto, Chelsea, Inter Milan, Real Madrid, Manchester United leh Tottenham te a enkawl tawh a ni.

Copyright © inkhel.com 2021. All rights reserved.