United chuan Portugues rawlthar Renato Sanches lakluh tumin hma an zel a, £60m lai a manah hian an thehchhuak phal niin Daily Mail chuan a tarlang. Zirtawpni khan Club 2 aiawh te Lisbon-ah an inbia nia a sawi a awm bawk.
Sanches hian buy-out clause £60m bawr vel a nei a, hei ai tlawm a lei chhuah tum hian United hotute chuan theihtawp an chhuah mek a ni. United scout-ten Sanches inkhel hnuhnung 3 lai an en vek bawk. Sanches hi Attacking Midfielder niin winger ang pawh a chhawr theih a ni.
United hotuten team thar din tumin theihtawp an chhuah mek zela sum pawh an theh chhuak huai hle. Tun season tan tirh khan French Forward Anthony Martial chu khawvela rawlthar man to ber niturin an lo lei tawh a, Dutch forward Memphis Depay manah pawh £25m lai an thehchhuak bawk a nih kha. Southampton atanga English Defender Luke Shaw an leina man zat kha theihngilh lo bawk la.
United rim mek Portuguese rawlthar hi 18 August,1997 a piang niin kum 18 chauh a la ni. Kum 2006 khan kum 9 mi lek niin Benfica Youth Team a zawm a, Benfica B Team tan vawi 34 khelin goal 3-a thun. Portuguese Midfielder hian 30 October, 2015 khan first team tan a khel tan chauh a, Sanches hi a thatzia hriaiin Benfica hotute chuan kum 2021 thleng daih conract thar an sign pui nghal a ni. United hian an lei chhuak a nih pawhin a man to vet vet khawp ang.