Newcastle-in Ramsey an ngaihven

03rd August 2021, 10:08AM

Newcastle United chuan Arsenal midfielder hlui Aaron Ramsey chu Premier League-a hruai kir leh dan an dap mek niin chanchinbu mite chuan an tarlang.

Welsh midfielder Ramsey hian a khelh mekna Juventus-ah hmun nghet a chan hleihtheih meuh loh avangin chhuah a duh niin sawin a ni a, Juventus lam pawh hian a phu tawka dawr tu an awm chuan Ramsey hi an hralh hreh lo nia sawi a ni bawk.

Newcastle hian Ramsey-a chungchangah hian Juventus hi inbiakna an neihpui tan tawh niin sawi a ni a, mahse official-in an la dawr lo thung nia sawi a ni.

Ramsey hi Newcastle bakah duhtu dang pawh an awm nual niin tarlan a ni a, mahse Newcastle hian an ngaihven bera, an hnaih ber bawk niin a lang.

Juventus hian midfielder thar lakluh an tum meka, Sassuolo midfielder Manuel Locatelli lak an tum mekah hian an hlawhtling thei a nih chuan Ramsey hian Turin a chhuahsan zui ve nghal a rinawm.

Free transfer-in Juventus hian kum 2019 khan Ramsey hi an laluta, tunah hian kum 30 mi Ramsey hian Juventus-ah kum 2023 June thla thleng contract a la nei a ni.

Copyright © inkhel.com 2024. All rights reserved.