Premier League club Newcastle United chuan an squad thawm that an la tum zel a, Bayer Leverkusen left-back Mitchel Bakker an dawr mek.

German club Leverkusen hian Bakker hi a hmunruak hnawh khat tu tur an hmuh theih chuan tun thla chhung hian an hralh phal a, a man hi pound maktaduai 16 vel ni tura sawi a ni.

Newcastle hian tun thlasik bazar chhung zawng khan left-back lei tur an zawng a, Bakker hi an dawr chhunzawm zel dawn a, Deadline Day thleng hmalak an inhuam nia tarlan a ni.

Dutch full-back Bakker hian Ajax-ah a professional career bul a tan a, kum 2018 khan Ajax tana a game hmasa ber khelin, kum 2019 nipui khan Paris Saint-Germain in an lalut.

PSG tan hian game 45 khelin nikum khan Leverkusen hian Bakker hian lalut ve leh a, Leverkusen tan kum 21 mi hian Bundesliga-ah game 13 khel tawhin goal khat a khung tawh bakah assist pathum a nei tawh bawk.

Newcastle hian tun thlasik bazar chhungin Kieran Trippier leh Chris Wood te an lalut tawh a, Lyon atangin midfielder Bruno Guimaraes pawh an lalut leh dawn a, Bakker pawh hi thlasik bazar inkhar hma ngeia lei an tum mek a ni.