National Virtual Muaythai Championship Mizoram-in medal 20 an dawng

16th September 2021, 02:09PM

National Virtual Muaythai Championship 2021 zawhfel tak cetegory hrang hrang inelnaah Mizoram chuan gold medal 6, silver medal 6 leh bronze medal 8 an dawng.

Inelna hlawm lian - Wai Kru, Shadow Box, Max Fit, Shadow Referee-ah te kum bithliah hrang hrang awm lehin 12th August, 2021atangin India ram pum huap inelna lian hi neih a ni a, July 29, 2021-August 5, 2021 chhunga neih Mizoram State Virtual Championship-a gold medal late National championship-ah hian an tel a ni.

Wai Kru inelnaah Zomuanpuia, Tuithiang veng chiahin medal la phakin senior male-ah bronze medal a dawng a, Max Fit inelna Master +40 yrs (-75kg) ah nikum World Virtual Championship-a bronze medal latu K. Lalramchhana chuan gold medal a dawng bawk. K. Lalramchhana hian Shadow Box leh Shadow Referee-ah silver medal a dawng bawk a ni. Max Fit-ah Laldinfela, Benjamin C.Lalrempuia leh Malsawmdawngliani ten gold medal an dawng a, Eric Biakthainghlima leh Eliza Zoramchhana-ten silver dawngin P.B.Lalthlamuanpuia leh Jessica Lalruatkimi ten bronze medal an dawng ve bawk.

Shadow Box-ah Lalthasanga'n silver medal dawngin Jessica Lalruatkimi, Eric Biakthainghlima leh Zohmingsangi ten bronze medal an dawng ve bawk. National Virtual Muaythai Championship-a tithate hian World virtual muaythai championship awm leh turah India ram ai an awh zui ang. September 16, 2021 khan India rama Muaythai thuneitu sang ber United Muaythai Association of India chuan Kolkata-ah General Body meeting neiin he hunah hian Mizoram aiawhin Liansangpuii Renthlei, Fin.Secretary, Muaythai Association of Mizoram chu a tel ve a ni.

WAIKRU Senior 18-40 yrs male Zomuanpuia Bronze

SHADOW BOX

Youth 10 yrs male 1. P.B Lalthlamuanpuia, Bronze

Youth 11 yrs Male Benjamin C. Lalrempuia, Gold

Youth 13 yrs female Jessica Lalruatkimi, Bronze

Youth 14 yrs male Eric Biakthainghlima, Gold

Senior 18-40 yrs male

1.Lalthasanga Silver

Senior 18-40 yrs female Zohmingsangi, Bronze

Master 40+ male

K.Lalramchhana Silver

MAX FIT Youth 10 yrs male

P.B.Lalthlamuanpuia, Bronze

Youth 11 yrs male Benjamin C. Lalrempuia, Gold

Youth 13 female Jessica Lalruatkimi, Bronze

Youth 14 yrs male Eric Biakthainghlima, Silver

Youth 15 yrs male

Eliza Zoramchhana, Silver

Youth 15 yrs female Malsawmdawngliani Gold

Youth 18 yrs male Laldinfela Gold

Senior 18-40 yrs (-75kg )male Lallawmpuia Bronze

Senior 18-40yrs (+75 kg ) Lalthasanga Bronze

Senior 18-40 yrs ( -60 kg) female Zohmingsangi Silver

Master +40 yrs (-75kg) male K. Lalramchhana Gold

SHADOW REFEREE Male Category K.Lalramchhana Silver

Copyright © inkhel.com 2024. All rights reserved.