September ni 18, 2015 khan MC Dowell's No.1 Soda Mizoram Premier League Season 4 Round hnihna khelh zawh a ni a, Aizawl FC chuan 3-2 in Chanmari FC an hneh a, Mizoram Premier League hmahruaitu an ni mek.
Aizawl FC hian khelh hnihah an khingpui an hneh ve ve a, point 6 an hlawh chhuak. Hetih lai hian Bethlehem Vengthlang FC leh Zo United te erawh goal awm lovin an inhnehtawk a, point 4 neiin Aizawl FC hi point hnihin an phak lo mek a ni.
Aizawl FC leh Chanmari FC inkhel hi Round tir match hmuhnam ber pakhat ni chiang mai. Chanmari FC lamin R. Laldanmawia hmangin 12th mins-ah goal hmahruai an khung. Second half Thakima chuan set piece atanga ball kal zel chu a pet goal a, Aizawl FC si phurh a rul.
80th mins-ah mual vei lam sir atanga Ruatthara ball cross tha zet chu box chhunga lo awm Albert -a chuan a pet goal leh a, 2-1 in Aizawl FC chuan hma an hruai ta. Hemi hnu chiah hian Alfred-a ball pek tha zet chu Valpuia chuan umin, a pet goal chhunzawm bawk a. 3-1 in inkhel a tawp mai tawh dawn emaw tih laiin Chanmari FC chuan goal an rawn khung leh tlat mai.
90 mins-ah Valpuia chuan box chhungah Malsawmfela a titlu a, Aizawl FC chuan penalty an chawi. He penalty hi Malsawmfela chuan a pet goal a, 3-2 a ni mek, Chanmari FC hian an si phurh rulh tumin an nawr na hle a, mahse hun a tawp chhunzawm ta a ni.
Ningani match-ah Luangmual FC chuan si khat faiin Mizoram Police FC an hneh a, Chanmari West FC pawhin 3-2 in Dinthar FC an hneh bawk a ni. Mizoram Police FC leh Dinthar FC-in point an la hlawhchhuak ve lova. Chanmari FC, Chanmari West FC leh Luangmual FC te chuan vawi khat an khingpui an hneh a, vawi khat an chak lo theuh bawk a, point thum an nei mek a ni.
Aizawl FC 3-2 Chanmari FC
(Thakima 60', Albert 80', Valpuia 83') (Danmawia 12', Malsawmfela 90+1')
Bethlehem Vengthlang FC 0-0 Zo United FC
Mizoram Police FC 0-1 Luangmual FC
Thawmmawia
Dinthar Fc 2-3 Chanmari West FC
(Samuel 48’, Nunpuia 85’ OG) (Nunpuia 8’, Tale-a 25’, Mabia-a 68’)