National Senior Classic Powerlifting Championship 2024 chu Hyderabad, Telangana-ah ni 8th – 12th April, 2024 chhung in neih a ni a, he Championship hi National Championship awm tawhah chuan India ram State hrang hrang a tang a Lifters te fuankhawm that ber tum leh, hautak ber ni a sawi a ni. 

London leh ram danga  Indian mi  awm, Lifters tha bik te pawh State dang chuan an State ai awh turin an chah lut hial a  ni.  He Championship ah hian Mizoram Powerlifting Association (MPA) tirh in Mizoram ai awh in Lifters 6 leh Official pahnih an kal a, Hyderabad khawlum tak kar ah Mizoram Team te hi an che tha tak zet.

Damloh leh harsatna neuh neuh kar ah he National Senior Classic Championship ah hian Mizoram Team te hian Team champion nihna an hauh a ni. Mizo Lifters te hian weight category hrang hrang ah National Record enge maw zat an siam bawk a ni. Mizoram Team hian an ngaih hlut tak Best Discipline 2nd Runner Up lawmman leh Best Lifter 2nd Runner Up lawmman an dawng bawk a ni.  Mizoram Powerlifting Association (MPA) chuan Lengpui  Airport ah an mahni hmuah na hun lo siam a tum a ni. 

Mizoram ai awh a kal te le an medal lak dan chu hetiang hi  a ni : 

Team Official
1) Team Coach : Tv F. Lalmawipuia, Ramthar veng, Fin. Secretary, MPA
2) Team Manager : Tv. Lalrinsanga, Mission veng, Information Secretary, MPA

Lifters te Medal lak dan leh Record siamdan  :
1.    66 kgs Category – Samuel Vanlaltanpuia, Sihphir Venghlun  -  Gold Medal (overall) , Weight chawi rih zawng belhkhawm ah National Record thar a siam. 
Squat - 222.5 kgs
Bench Press - 125 Kgs
Deadlift - 250 kgs
Total - 597.5 Kgs (New National Record)

2.    74 Kgs Category – Lalthangmawia, Luangmual Vengthlang, Gold Medal (BenchPress) , Squat ah National Record thar a siam bawk.  
Squat – 250 (New National Record)
Bench - 152.5
Deadlift - 240
Total - 642.5kg 

3.    83 Kgs Category – Lalremruata, Bungkawn Venglai, Silver Medal (overall), Squat ah National Record thar a siam bawk. 
Squat - 275 (New National record)
Bench - 140 kgs
Deadlift - 272.5 kgs
Total - 687.5kg

4.    93 Kgs Category – Lalhmangaihsanga (Tetea), Saron Veng, Gold Medal (overall), Deadlift ah National Record thar a siam bawk. Best Lifter 2nd Runner Up lawmman a la bawk a ni. 
Squat - 280kg
Bench - 150kg
Deadlift - 310.5kg ( New National Record)
Total - 740.5kg

5.    105 Kgs Category – Jeremy Lallawmzuala, Thingsulthliah, Bronze Medal (overall) 
Squat - 282.5 kg
Bench - 165 kg
Deadlift - 280 kg
Total - 727.5kg

6.    120 + kgs Category – Lalhriatrenga, Kelsih, Silver Medal (overall) 
Squat - 362.5kg
Bench - 220kg
Deadlift - 300kg
Total - 882.5kg