Malinga a chawl ve ta

15th September 2021, 10:09AM

Sri Lanka bowler Lasith Malinga chuan nimin khan kum 38 mi niin cricket khelh a chawlhsan thu a puang ve ta.

Malinga hi Twenty20 internationa history bowler hlawhtling ber a ni a, T20 international-ah wicket 107 lai a la a, kum 2014 khan T20 World Cup-ah Sri Lanka a lo champion pui tawh bawk.

Kum 2011 khan Malinga hi Test match atangin a lo chawl tawh a, kum 2019 kha ODI chawlhsan lehin, kum hnih vel T20 chiah a khelh hnuah a chawl ta a ni.

Kumin T20 World Cup atan Sri Lanka chuan Malinga hi an ko lova, Malinga-a’n Sri Lanka tana T20 a khelh hnuhnun ber chu nikum March thla kha a ni.

Malings hi bowler tha tak a ni a, a bowl dan style danglam tak avangin yorker tha tak tak a vawm thin avangin a lar hle bawk a, T20 game 295 khelin, wicket 390 ngawt a la a, T20 (international lo pawh chhiar telin)-ah hian ani aia wicket la hnem hi Dwayne Bravo, Imran Tahir leh Sunil Narine-te chiah an awm.

Malinga hian Indian Premier League-ah wicket 170 lai a la bawk a, Mumbai Indians tana kum 2013, 2015, 2017 leh 2019 te khan IPL title a la bawk.

Kum 2004 khan Sri Lanka tan Malinga hian ODI a khel tan a, ODI-ah wicket 338 la in, Sri Lanka tana wicket la hnem ber pathumna a ni. ODI cricket chanchinah Malinga chiah hi wicket lak lama vawi thum hat-trick siam thei awmchhun a ni a, ball li a wicket li tum hnih la thei awmchhun a ni bawk a ni.

Malinga hian Test match 30 a khel hman a, hengah hian wicket 101 a la bawk a ni.

Copyright © inkhel.com 2021. All rights reserved.