Liverpool manager thar ni tura ngaih, Sporting Lisbon boss Ruben Amorim chuan inremna engmah an la nei lo tih a sawi.

Tunkar tir khan Anfield pan a remti tih thuthang a awm a, Portuguese chanchinbute chuan inremna an nei tawh niin an tarlang. A chungchanga thuleng vel hi a dik lo tih a puang a, an khelh hmabak leh team-ah chiah rilru pek a duh.

Kum 39 mi chuan, "Club dang nen inbiakna kan nei lova, inremna ziahpui pawh kan nei lo. Tun chiah hi ka hmalam hun chungchang ka sawina a ni tawh ang. Kan duh ber chu Sporting-a nomawi chawi a ni a, engtiklai mahin a danglam ngai lo." tiin a sawi.

Sporting hian Primeira Liga table-ah a chung ber an luah a, an hnuai chiaha awm Benfica nen point liin an inthlau. Game 34 an khelh hnua point hmu sang ber an champion dawn a, khelh hmabak game sarih an la nei a ni.