South Asian Football Federation (SAFF) Championship-a champion zo hlim India chu FIFA ranking-ah hma an sawn a, 107-na atangin 106-naah an chho.

Vawiin khan FIFA ranking thar ber tihchhuah a ni a, FIFA ranking tihchhuah hmasak zawk hnuah India hian game nga an khel tawh a, heng game-ah hian vawi thum chakin, vawi hnih an tumpuite an inhnehtawkpui bawk a, SAFF Championship-ah an champion zui bawk nen hmun khatin hma an sawn.

Tunah hian India hi 2023 AFC Asian Cup qualifiers third round khel turin an inbuatsaih mek a, AFC Asian Cup qualifiers hi nakkum June thla atanga khelh tan tur a ni.

FIFA ranking-ah Belgium chu pakhatna an ni chhunzawm zel a, Brazil-in an dawt. UEFA Nations League champion hlim France chu pathumnaah an chho a, Italy pawh palinaah chho in, England chu panganaah an tla thla thung a ni.

FIFA ranking (top 10):