Euro 2020: Group F bih chianna

10th June 2021, 06:06PM

Group F hi Euro 2020 group then hrang hrang zingah chuan boruak nei lian ber tura ngaih a ni a, he group-ah hian Euro title kawltu Portugal bakah World Cup title kawltu France te, Germany leh Hungary te an awm a ni.

France
World champion France hi Monaco, Juventus leh Marseille manager te pawh lo ni tawh, kum 52 mi Didier Deschamps chuan a kaihruai mek a, Mario Zagallo leh Franz Beckenbauer te hnua player leh manager ni chunga World Cup trophy la thei hmasa ber niin, 2018 ah khan France chu World Cup title a lakpui a ni.

Didier Deschamps hian Les Bleus chu a kaihruai fuh hle a, tun tumah hian a kalphung a thlak danglam hret a, striker tawn hriat nei tha tawh tak, kum tam chho ve tan tawh Karim Benzema chu France ram aiawh turin a ko tel ve leh a ni.

France hian ram leh ram inelna tournament lian an tel hnuhnun pahnihah final an lut ve ve a, tun tum tournament-ah pawh hian a tla hma pawl ni lo tura ngaih an ni a. An player zingah chuan Kylian Mbappe chu boruak siam thei deuh ber tura ngaih niin, kum 22 mi hian season hman zawh takah khan Paris Saint-Germain tan goal 37 a thun a, mi goal thun tur vawi 10 a siamsak bawk a. European Championship bikah hian France chu 1984 leh 2000 ah te khan an champion a, 2016 ah pahnihna an ni bawk.

Squad
Goalkeepers: Hugo Lloris (Tottenham); Mike Maignan (Lille); Steve Mandanda (Marseille).

Defenders: Lucas Digne (Everton); Leo Dubois (Lyon); Lucas Hernandez (Bayern Munich); Presnel Kimpembe (Paris Saint-Germain); Jules Kounde (Sevilla); Clement Lenglet (Barcelona); Benjamin Pavard (Bayern Munich); Raphael Varane (Real Madrid); Kurt Zouma (Chelsea).

Midfielders: Ngolo Kante (Chelsea); Thomas Lemar (Atletico Madrid); Paul Pogba (Manchester United); Adrien Rabiot (Juventus); Moussa Sissoko (Tottenham); Corentin Tolisso (Bayern Munich).

Forwards: Wissam Ben Yedder (Monaco); Karim Benzema (Real Madrid); Kingsley Coman (Bayern Munich); Ousmane Dembele (Barcelona); Olivier Giroud (Chelsea); Antoine Griezmann (Barcelona); Kylian Mbappe (Paris Saint-Germain); Marcus Thuram (Borussia Munchengladbach).

Germany
Manager Joachim Low chuan Germany hi kum 15 a enkawl tling ve ta a, kum 61 mi hian 2014 World Cup trophy kha a lakpui thei a, kumin nipui lai hian a hna hi a chawlhsan ang a, a hmun ruak luah tur hian Hansi Flick tih fel a ni tawh nghe nghe a. European Championship bikah Germany hi an che tha thei angreng hle a, 1972, 1980 leh 1996 ah te an champion tawh a, 1976, 1992 leh 2008 ah te pahnihna an lo ni tawh bawk.

Joachim Low hian Euro 2020 a tel turin tawn hriat nei ngah vak lo pawh a ko tel nual a, chutih rualin koh tel hlawh tawh vak lo Thomas Muller leh Mats Hummels te chu a ko tel ve leh thung a. Toni Kroos, Ilkay Gundogan leh Manuel Neuer te pawh koh zingah hian an la tel a, tlema la naupang deuh hlek Serge Gnabry, Timo Werner leh Kai Havertz te nen an inkawp chho hlawm ang.

Germany team-ah chuan Joshua Kimmich chu mit la pawl a nih a rinawm a, Bayern Munich midfielder hi 2014 U19 Championship title latu Germany team-ah khan a tel a, Euro 2016 team of the tournament-ah pawh khan an lo thlang tel ve tawh bawk a ni.

Squad
Goalkeepers: Manuel Neuer (Bayern Munich), Bernd Leno (Arsenal), Kevin Trapp (Frankfurt).

Defenders: Matthias Ginter (Borussia Monchengladbach), Antonio Rüdiger (Chelsea), Robin Gosens (Atalanta), Christian Günter (Freiburg), Marcel Halstenberg (RB Leipzig), Mats Hummels (Borussia Dortmund), Lukas Klostermann (RB Leipzig), Robin Koch (Leeds), Niklas Süle (Bayern Munich).

Midfielders: Ilkay Gündogan (Manchester City), Toni Kroos (Real Madrid), Emre Can (Borussia Dortmund), Joshua Kimmich (Bayern Munich), Thomas Müller (Bayern Munich), Jamal Musiala (Bayern Munich), Serge Gnabry (Bayern Munich), Leon Goretzka (Bayern Munich), Kai Havertz (Chelsea), Jonas Hofmann (Borussia Monchengladbach), Leroy Sané (Bayern Munich), Florian Neuhaus (Borussia Monchengladbach).

Forwards: Timo Werner (Chelsea), Kevin Volland (Monaco).

Hungary
Kum 56 mi manager Marco Rossi kaihhruai Hungary hi an group-ah chuan team hlauhawm loh ber nia ngaih theih an ni a, chutih rualin anni ve thung chuan group stage-a tawp mai chu an tum dawn bik hauh lo a. An thiampuipa Dominik Szoboszlai chu a inhliam avangin a tel ve thei dawn lo leh nghal a, chuti chung chuan an zam chuang lo hle.

Marco Rossi kaihhruaina hnuaiah tun hnaiah an che chhe hran lo viau a, match 11 an khelh hnuhnunah vawi khat chiah chak loh an nei a, hetiang an nih avang hian Euro 2020 ah pawh ngaihnep chi chu an ni hauh lo ang. European Championship bikah sulhnu an lo nei ve nual tawh a, 1964 ah khan pathumna an ni a, 1972 ah paina niin, 2016 ah khan round of 16 an thleng bawk a ni.

An player zingah chuan RB Leipzig goalkeeper Peter Gulacsi chu a rim viau tura ngaih a ni a, nikum lama Austrian Bundesliga player of the year atana an thlan, an thiampuipa Dominik Szoboszlai tel thei dawn lo mah se kum 33 mi, an captain tur Adam Szalai an neih tho avangin an zam dawn bik lo a ni.

Mainz forward Adam Szalai chu an ram aiawhin vawi 70 a feh chhuak tawh a, hengah hian tun thlengin goal 23 chu a thun tawh a. Tun season hman zawh takah khan club tan game 20 khelhah goal 4 chauh a thun thei thung a ni.

Squad
Goalkeepers: Ádám Bogdán (Ferencváros), Dénes Dibusz (Ferencváros), Péter Gulácsi (Leipzig)

Defenders: Bendegúz Bolla (Fehérvár), Endre Botka (Ferencváros), Attila Fiola (Fehérvár), Ákos Kecskés (Lugano), Ádám Lang (Omonoia), Gergo Lovrencsics (Ferencváros), Willi Orbán (Leipzig), Attila Szalai (Fenerbahçe)

Midfielders: Tamás Cseri (Mezokövesd), Dániel Gazdag (Budapest Honvéd), Filip Holender (Partizan), László Kleinheisler (Osijek), Ádám Nagy (Bristol City), Loïc Négo (Fehérvár), Ándras Schäfer (Dunajská Streda), Dávid Sigér (Ferencváros)

Forwards: János Hahn (Paks), Nemanja Nikolic (Fehérvár), Roland Sallai (Freiburg), Szabolcs Schön (Dallas), Ádám Szalai (Mainz), Kevin Varga (Kasimpasa), Roland Varga (MTK Budapest)

Portugal
Kum 66 mi manager Fernando Santos kaihhruai Portugal chuan an title kawl lai humhim theih ngei an tum viau dawn a. Porto a enkawl laia Portuguese league title lakpui thei Fernando Santos hian Greece pawh Euro 2012 quarter final a thlenpui thei a, 2014 World Cup second round a thlenpui bawk a. Portugal hi Euro 2016 title a lakpui bakah Nations League title chu 2019 ah khan a lakpui bawk.

Portugal hian a zawna European Championship title lak theih ngei an tum dawn a, Spain chuan 2008 leh 2012 ah te khan title hi an lo la zawn tawh a, khatiang kha puitlin ve theih an duh a. 2016 kuma an champion bakah khan 2004 kumah pahnihna an lo ni tawh bawk a ni.

An player zingah chuan Cristiano Ronaldo aia mit la tur an awm loh hmel a, Juventus forward hian Portugal tan goal 103 lai a thun tawh a, ram tana goal thun hnem ber Ali Daei record a khum thei tep tawh a, goal 109 khum turin goal 7 chiah thun a mamawh tawh a ni.

Tun tum tournament-ah hian Portugal chuan squad an nei tha hle a, Cristiano Ronaldo bakah hian Joao Felix, Bernardo Silva, Bruno Fernandes, Ruben Dias leh Diogo Jota te pawh an la nei bawk a ni.

Squad
Goalkeepers: Anthony Lopes (Lyon), Rui Patrício (Wolves), Rui Silva (Granada)

Defenders: João Cancelo (Manchester City), Nélson Semedo (Wolves), José Fonte (LOSC Lille), Pepe (Porto), Rúben Dias (Manchester City), Nuno Mendes (Sporting CP), Raphael Guerreiro (Dortmund)

Midfielders: Danilo Pereira (Paris), João Palhinha (Sporting CP), Rúben Neves (Wolves), Bruno Fernandes (Manchester United), João Moutinho (Wolves), Renato Sanches (LOSC Lille), Sérgio Oliveira (Porto), William Carvalho (Real Betis)

Forwards: Pedro Gonçalves (Sporting CP), André Silva (Eintracht Frankfurt), Bernardo Silva (Manchester City), Cristiano Ronaldo (Juventus), Diogo Jota (Liverpool), Gonçalo Guedes (Valencia), João Félix (Atlético Madrid), Rafa Silva (Benfica)

Copyright © inkhel.com 2021. All rights reserved.