Euro 2020: Group E bih chianna

10th June 2021, 05:06PM

Group E ah hian Spain, Sweden, Poland leh Slovakia te an awmho a, tu berin nge group stage pal tlang thei dawn tih sawi thiam a la harsa rih hle.

Spain
Manager Luis Enrique kaihhruaina hnuaiah squad an siksawi nasa hle a, player upa lampang aiin la naupang deuh hlek chhawr an uar chho hle a. Player la upa lem lo tak, mi hriat pawh hlawh em em lo a ko tel zeuh zeuh a, Euro 2020 khel tur hian kum tam ve tan tawh Real Madrid captain Sergio Ramos pawh an ko tel ve lo a ni.

Barcelona boss hlui hian kum tir atang khan position hrang hrangah player hrang hrang a en chhin nasa hle a, tun tum tournament-ah pawh hian hmel thar hmuh tur an awm nual dawn a. ‘Tiki-taka’ an chhawm nung zo ta chiah lo a, Luis Enrique chuan kalphung thar chhawm a duh tawh deuh bawk a ni.

A zawna European Championship title an lak hnuah Spain chu tournament lianah an che fuh thei ta lo hle a, an player kum upa chho tan tawhte chuan beisei an pha lo ta fo a, hei vang tak hian Enrique pawhin player naupang deuh zawkte chhawr tangkai a duh phah a ni.

Nikum November thlaa Nations League an khelh khan Germany chu 6-0 ngawtin an sawp a, chutih rualin kumin March thlaa World Cup qualifying an khelhah khan an mikhual Greece nen 1-1 in an inhnehtawk thung a. Euro 2020 qualifying match 10 an khelhah vawi 8 an chak thei a, goal 5 chauh an chhuah a, an group-ah an chungnung ber a. Spain hi European Championship ah hian 1965, 2008 leh 2012 ah te khan an lo champion tawh a ni.

Kum 29 mi Gerard Moreno chu tun tournament-ah hian Spain ram aiawha feh chhuak zingah chuan ngaihven hlawh thei deuh ber tura ngaih niin, Moreno hian tun season hman zawh takah khan Villarreal chu Europa League title a lakpui a, season tluanin inelna hrang hrangah goal 30 a thun thei a ni.

April thlaa Copa del Rey final khelha Real Sociedad chakpui thei Mikel Oyarzabal pawh sawi hmaih chi a ni dawn lo a, Barcelona rawlthar Ansu Fati leh Spain tana game 39 khelha goal 19 thun thei, Juventus striker Alvaro Morata te pawh a tangkai pawl an nih ngei a rinawm.

Squad
Goalkeepers: Unai Simon (Athletic Bilbao), David de Gea (Manchester United), Robert Sanchez (Brighton).

Defenders: Jose Gaya (Valencia), Jordi Alba (Barcelona), Pau Torres (Villarreal), Aymeric Laporte (Manchester City), Eric Garcia (Manchester City), Diego Llorente (Leeds), Cesar Azpilicueta (Chelsea).

Midfielders: Marcos Llorente (Atletico Madrid), Sergio Busquets (Barcelona), Rodri (Manchester City), Pedri (Barcelona), Thiago (Liverpool), Koke (Atletico Madrid), Fabian (Napoli), Dani Olmo (RB Leipzig), Pablo Sarabia (Paris Saint-Germain).

Forwards: Gerard Moreno (Villarreal), Alvaro Morata (Atletico Madrid), Ferran Torres (Manchester City), Adama Traore (Wolves), Mikel Oyarzabal (Real Sociedad).

Sweden
Euro 2016 zawh atang khan manager Janne Andersson chuan Sweden team hi a enkawl tan a, a kaihhruaina hnuaia an game khelhah 50% chu an chak thei a. 2018 World Cup quarter final an thleng thei a, kum 12 chhunga an thlen san ber tum a ni.

AC Milan striker Zlatan Ibrahimovic laka beiseina sang tak an neih laiin a khup a tihnat avangin tun tournament-ah chuan a tel thei dawn lo a, hei vang hian Janne Andersson chuan ruahmanna thar a neih a tul phah a. Anni hian European Championship an la hawn lo a, an chet that ber chu 1992 ah khan niin semi final an thleng.

Kum 21 mi Juventus midfielder Dejan Kulusevski chu an player zinga mit la ber tura ngaih a ni a. A tlan chak a, ball a thiam viau bawk a, season hman zawh takah khan Juventus tan game 47 a khel a. A chet that theih em avangin Manchester United zawm tur angin thu pawh a thang hman a. Real Sociedad forward Alexander Isak pawh Sweden tana che tha thei tura ngaih a ni.

Squad
Goalkeepers: Karl-Johan Johnsson (København), Kristoffer Nordfeldt (Gençlerbirligi), Robin Olsen (Everton).

Defenders: Emil Krafth (Newcastle United), Victor Lindelöf (Manchester United), Marcus Danielson (Dalian Yifang), Martin Olsson (Häcken), Ludwig Augustinsson (Werder Bremen), Pontus Jansson (Brentford), Filip Helander (Rangers), Mikael Lustig (AIK), Andreas Granqvist (Helsingborg).

Midfielders: Emil Forsberg (RB Leipzig), Ken Sema (Watford), Viktor Claesson (Krasnodar), Dejan Kulusevski (Juventus), Sebastian Larsson (AIK), Albin Ekdal (Sampdoria), Kristoffer Olsson (Krasnodar), Jens-Lys Cajuste (Midtjylland), Mattias Svanberg (Bologna), Gustav Svensson (Guangzhou).

Forwards: Marcus Berg (Krasnodar), Alexander Isak (Real Sociedad), Robin Quaison (Mainz), Jordan Larsson (Spartak Moscow).

Poland
Manager Paulo Sousa chuan kumin January thla atangin Poland national team hi a enkawl tan chiah a, manager a nih hnuah national team a enkawl hmasak ber a ni nghe nghe a. Football a khelh thin laia midfielder thin Paulo Sousa hian a vanglaiin Portugal aiawhin game 52 chu a lo khel ve hman a ni.

Manager a nih hnuah khawvel hmun hrang hrangah hun a hmang nasa tawh hle a, Hungary, Israel, Switzerland, China, France, Italy leh England ah te hna a thawk tawh a, English club a enkawl tawh te chu Queen’s Park Rangers, Leicester City leh Swansea te an ni a. Basel leh Maccabi Tel Aviv te chu league title a lo lakpui tawh a ni.

Poland hi Russia rama 2018 World Cup ah khan an che tha hran lo hle a, game thum khelhah vawi khat chiah an chak thei a, an group mawng phahah an awm a. 2016 kumah khan Euro quarter final an thleng thei a, an thlen san ber tum a la ni.

Bayern Munich striker Robert Lewandowski chu an team member zinga boruak nei fuh ber tura ngaih niin, tun season chhungin ram leh club tan game 46 khelhah goal 53 lai a thun thei a ni.

Squad
Goalkeepers: Lukasz Fabianski (West Ham), Wojciech Szczesny (Juventus), Lukasz Skorupski (Bologna).

Defenders: Jan Bednarek (Southampton), Bartosz Bereszynski (Sampdoria), Pawel Dawidowicz (Verona), Kamil Glik (Benevento), Michal Helik (Barnsley), Tomasz Kedziora (Dynamo Kiev), Kamil Piatkowski (Rakow Czestochowa), Tymoteusz Puchacz (Lech Poznan), Maciej Rybus (Lokomotiv Moscow).

Midfielders: Przemyslaw Frankowski (Chicago Fire), Kamil Jozwiak (Derby), Mateusz Klich (Leeds), Kacper Kozlowski (Pogon Szczecin), Grzegorz Krychowiak (Lokomotiv Moscow), Karol Linetty (Torino), Jakub Moder (Brighton), Przemyslaw Placheta (Norwich), Piotr Zielinski (Napoli).

Forwards: Dawid Kownacki (Fortuna Düsseldorf), Robert Lewandowski (Bayern Munich), Arkadiusz Milik (Marseille), Karol Swiderski (PAOK), Jakub Swierczok (Piast Gliwice).

Slovakia
Nikum October thlaah khan Northern Ireland nen play-off an khel a, he mi hma hian an manager Pavel Hapal chu an ban a, a hmun ruak luah tur hian kum 48 mi, assistant manager Stefan Tarkovic chu an ruat nghal a, an la ruai zui ta zel a ni.

Slovakia hian European Championship an khelh vawi hnihna tur niin, 2016 kumah khan round of 16 an lo thleng ve tawh a. An player zingah chuan Inter Milan player Milan Skriniar chu langsar ber tura ngaih a ni a. Kum 26 mi Skriniar hi Europe khawmualpuiah chuan centre-half tha ber pawl tia sawi mek a ni.

Squad
Goalkeepers: Martin Dubravka (Newcastle), Marek Rodak (Fulham), Dusan Kuciak (Lechia Gdansk)

Defenders: Peter Pekarík (Hertha Berlin), Lubomír Satka (Lech Poznan), Denis Vavro (Huesca), Milan Skriniar (Inter Milan), Tomáš Hubocan (Omonoia), Dávid Hancko (Sparta Praha), Martin Koscelník (Liberec), Martin Valjent (Mallorca)

Midfielders: Marek Hamsik (IFK Göteborg), Stanislav Lobotka (Napoli), Patrik Hrosovsky (Genk), Juraj Kucka (Parma), Ondrej Duda (Köln), Róbert Mak (Ferencváros), Vladimír Weiss (Slovan Bratislava), László Bénes (Augsburg), Lukas Haraslín (Sassuolo), Jakub Hromada (Slavia Praha), Tomas Suslov (Groningen), Jan Gregus (Minnesota)

Forwards: Michal Duris (Omonoia), Róbert Bozeník (Feyenoord), Ivan Schranz (Jablonec)

Copyright © inkhel.com 2021. All rights reserved.