DJ a hnek avangin McGregor-a lakah thubuai ziah luh a ni

21st October 2021, 11:10PM

UFC Feathweight leh Lightweight champion hlui Conor McGregor chuan Rome-a an party-naah DJ a hnek a, a lakah thubuai thehluh a ni.

Italian DJ Francesco Facchinetti leh a ukil chuan Thawhlehni khan McGregor-a lakah hian police hnenah thubuai an theh lut a, Carabiniero police pawhin thubuai thehluh a nih thu hi an sawi tawh.

Facchinetti leh a ukil te hian McGregor-an laka thubuai an thehluh chhan ber chu khawvelin Irish fighter hi a hlauhawm tih hria se an duh vang a nih thu a sawi bawk a ni.

St-Regis Hotel-ah he thil hi a thleng a, Facchinetti hian McGregor-a’n a hnar leh a hmuiah a hnek thu a sawi a, concussion a neih bakah a hnar ruh a tliak bawk niin Facchinetti hian a sawi.

St-Regis Hotel lam pawhin CNN hnenah he thil hi a thleng ngei tih an sawi tawh a, police nen hma an lak mek thu leh surveillance footage pawh police kutah an pek tawh thu an sawi bawk a ni.

Copyright © inkhel.com 2024. All rights reserved.