Chelsea chuan an manager Thomas Tuchel chu contract thar ziahpui an tum mek anga sawi a ni a, mahse Tuchel chuan tunah rih chuan contract thar ziahna hun a nih loh thu leh hun pawh a la awm rih loh thu a sawi.

Chelsea hian Tuchel hi kumin January thla khan Frank Lampard an ban hnuah an laluta, thla 18 daih contract an ziahpui.

Tuchel-a hnuaiah Chelsea an che tha viaua, tunah hian UEFA Champions League semi-final lutin, FA Cup lamah final an lut tawh bawka, Premier League lamah top 4-a an awm a beiseiawm viau rih bawk.

Chelsea-in contract thar an zawrh tawh leh la zawrh loh chungchang zawhna chhangin, Tuchel chuan, “Min la zawrh lova, tun hi contract in zawrh hun a ni lova, tul pawh a tul rih lova, hun pawh a awm rih lo,” a ti.

Chelsea-in Tuchel an lak tira, thla 18 daih contract an ziahpui thu an puan khan, contract hi pawhsei belh a nih theih thu an tarlang tela, an pawhsei ngei pawh a rinawm a ni.

Chelsea hian rin aia tha in season an khar theia, trophy pahnih nen season khar theihna chance an nei meka, Tuchel-a hnuaiah hian an chak lo hleithei lo a ni ber rih a ni.