Barcelona chief Mateu Alemany chu kar liamta khan Manchester-ah zinin Ferran Torres-a lak theih dan tur dapin Manchester City a dawr a, transfer hi a thleng thei dawn em? Tih erawh sawi lawk a har hle.
English media te chuan Barcelona leh Torres-te hi mimal thilah an inrem tawh niin an lo tarlang nghe nghe bawk.
Barcelona hian sum lama harsatna an tawh avangin Torres hi January transfer window inhawn hunah loan-a lak phawt a, chumi hnuah a ngheta lak tumin City an dawr a, City chuan an striker hi awlsam taka chhuahtir erawh an tum lo niin Marca chuan a tarlang.
Manchester City chuan Ferran Torres-a manah hian £60m an chhiar ta niin Marca chuan a tarlang a, City hian loan-a chhuahtir an tum lo, lei duh an awm a nih chuan £60m-a lei mai turin an ti niin report a ni bawk.
Barcelona hian Sterling pawh lak an lo tum tawh nia report a ni bawk a, sum lama harsatna an tawh mek avang hian an player duh pawh an la thei lo zel dawn niin a lang.