Barcelona chuan an rawlthar Ansu Fati chu contract thar an ziahpui a, Ansu Fati-a contract thar hian kum 2027 June thla thleng a daih.

Barcelona hian Ansu Fati-a kum nga daih contract tharah hian release clause an dah uar leh pek viau a, Ansu Fati-a release clause euro 1 billion lai a ni.

Hmanni lawk khan Barcelona hian an rawlthar dang Pedri pawh contract thar an lo ziahpui tawh a, Pedri-a contract tharah pawh hian realse clause euro 1 billion lai a awm.

Fati hian Barcelona chhuahsan a tum angin sawi a tam hman a, Premier League champion lai Manchester City nen pawh kum 18 mi hi sawizawm ni mahse Camp Nou-ah a nghet ta zawk a ni.

Fati hi Barcelona academy chhuak a ni a, kum 2019 August thla khan Barcelona senior team tana a game hmasa ber a khel a, tunah hian Barcelona tan competition zawng zawnga vawi 47 a inlan tawh a ni.