Barcelona chuan Wolves winger Adama Traore chu loan-in an lalut dawn niin a lang a, Traore chungchangah Barcelona leh Wolves hian a thuphungin inremna an nei tawh niin chanchinbu mite chuan an tarlang.

Traore hi Tottenham pawhin lakluh an tum hle a, Sky Sports chuan tun kar khan Tottenham-in Traore an lak fel thuai a rinawm thu tarlang mahse Traore hian Barcelona zawm a thlang zawk nia sawi a ni.

Traore hi winger a ni a, mahse Tottenham manager Antonio Conte chuan right wing-back ah hman a tum a, hemi avang hian Traore hian Tottenham zawm a chak lo niin chanchinbu mite chuan an tarlang a, Barcelona hian an chang dawn ta niin a lang a ni.

Barcelona hian Traore hi tun season chhung loan-a lakluh a, season tawpah pound maktaduai 29-a lei zui dan an dap mek a, Traore hian Barcelona zawm hi a duh niin an tarlang.

Kum 26 mi Traore hi Barcelona academy chhuak a ni a, kum 2015 khan Barcelona tana vawi khat chiah a inlan hnuah a chhuak a, Aston Villa a zawm. Aston Villa atang hian kum 2016 khan Middlesbrough in an lalut ve leh a, Wolves hian kum 2018 khan lalutin, tunah hian kum 2023 June thla thleng contract a la nei a ni.