Barcelona chu hliamin a tlakbuak chhunzawm zel a, UEFA Champions League inkhela Bayern Munich an hneh loh tum khan an player pahnih Jordi Alba leh Pedri te an inhliam belh.

Barcelona hian player inhliam an nei sa nual a, Ansu Fati, Sergino Dest, Sergio Aguero, Martin Braithwaite leh Ousmane Dembele te inhliam an neih mek chu Alba leh Pedri te hian an belhchhah a ni.

Kar lehah Barcelona hian La Liga inkhelah Granada an mikhual dawn a, hetah hian Alba leh Pedri hi an chhawr thei dawn lova, an player inhliam dangte pawh hi an chhawr theih a la rinawm loh.

Barcelona hian Pedri chu a malpui vei lamah tha na a neih thu an puang a, Alba hian a malpui dinglamah hamstring injury a neih thu an puang bawk.

Barcelona hian tun season-a an Champions League game hmasa berah Bayern Munich lo mikhualin, 3-0 laiin Barcelona hi tlawm zawkah an tang a, player inhliam pahnih an neih belh bawk nen Ronald Koeman-a lu a hai ve viauin a rinawm a ni.