inkhel

Switch to desktop Register Login

Kanan FC in hun tha bawhpelh, Chanmari West FC tan la beisei awm

  • Written by digimalt

24th July, 2012.
AR Lammual ; Aizawl.
photographer : PC Lala

Mizoram Premier League play off chu team tin ten match 5 an khel kim ta a, Vawiin hian College Veng FC in Theiriat FC si khat faiin an hneh a, College Veng FC hian point thum rawn hmu vein, a mawngphah atangin an rawn tal chhuak a, Theiriat Fc chungah an awm. Kanan FC in FC RS Annexe lehpelh theihna chance tha tak an bawh pelh a, 1-1 in Chanmari West FC nen an inhnehtawk a, Kanan FC, Reitlang FC leh Aizawl FC te chuan point 8 vek neiin, Aizawl Fc chu goal difference ah an that ber avangin Play off table-ah pathumna an ni a, Reitlang FC chu palina niin, Kanan Fc chu pangana an ni a, Chanmari West FC hian point 4 an hlawh chhuak ve ta a, khelh hnih la awm atang hian MPL khelh theihna chance tha tak an la nei a ni.

 

College Veng FC 1-0 Theiriat FC

Second half a Laldinpuia goal thun chu College Veng FC chakna a ni ta a, Inkhelh chhung zawng hian Theiriat FC chuan inkhel an thunun a, mahse College Veng FC hian hnehna an chang ta a ni.

Tan atanga minute 19 naah Theiriat FC tan Malsawmtluanga chuan a tauh lut tep a, 28 mins ah Theiriat FC tan Lalrinsanga'n a khung tep bawk a, a pet out hlauh mai. Hemi hnu lawk hian College Veng player Lalchawimawia chuan red card a hmu hlauh mai. Theiriat FC tan hun tha tak a inher chhuak dawn niin a lang.

Mahse hetia referee in College veng FC player a hnawhchhuah lai hian sawi buai deuh laih laih a awm a, helai tak hian Reitlang Fc player pahnih chuan bench lam panin tui an in a, Touch Line hi a fiah vak tawh lova, hetih lai hian technical line erawh a fiah em em a, Lalramenga leh Lalrinsanga chuan touch line hi an pel a ni maithei, linesman chuan pharin, yellow card ve ve a pe a, Lalramenga hi ahmain yellow card a lo hmuh tawh si avangin hnawhchhuah a ni ve ta a. College Veng FC leh Theiriat FC player te chu hnawhchhuah rual an ni ta.

iopioi

Lalramenga tak hi chuan a pel chiah lo niin alang a, referee te hi an thikthu a chhe mah mah a ni lo maw ka ti mai mai.Lalramenga pawh hian a chhuah a rin loh thu a sawi ve bawk a, touch line chu a fiah loh thu leh, dan a hriat ve thu a sawi a, a ni tak hi chuan a chhuahsan lovin a inhria a, he thil thlengah hian Theiriat FC te chu an lawm lo hle mai a, Kanan FC laka referee in a tan loh em em dan thlengin an ngaihtuah let leh a, Tun MPL play off ah hian an vanduai thu manager in a sawi nghe nghe a ni.

Hemi hnu hian Theiriat FC chu an khel tha chho zel a, B. Lalruatkima chuan goal ban a pet per leh a, first half tawp dawnah Lalhmangaihtluanga chuan clear chance a thleh bawk a, tichuan first half a zova, goal awm lovin an inhnehtawk a.

Second half ah pawh hian Theiriat Fc an khel tha zel a, 48 mins ah  Lalremmawia chuan free kick atangin a pet goal tep a, bar a pet per dawp a. 55 mins a lo thleng a, Johny VL MUana shot tha zet chu College Veng keeper chuan tha zetin a lo dang a. Hemi hnu lawkah hian Lalrengpuia chuan Theiriat tan free kick atangin a khung tep a, goal bar a per leh bawk a. 65 mins ah Laldinpuia chuan College Veng FC tan a rawn thun khauh mai a, 1-0 in College Veng FC in hma an hruai ta. KC Lalruatkima shot Theiriat FC keeper save per hi Laldinpuia hian a thun a ni.

rtyrg

Theiriat FC goal khung referee in a ham loh hnu hian College Veng FC pawhin goal line pel nia lang chu goal ah an hlawh chhuak bik ta chuang lova. Theiriat FC captain Vala pawhin chance tha zet hnai set dawtah a nei , mahse a ti goal lo ho hle mai. Tichuan hun a tawp ta a, College Veng FC in si khat faiin Theiriat FC an hneh a, College Veng FC hian point thum an hlawhchhuak ve ta a, Theiriat FC chungah an awm ta a ni.

 

Kanan FC 1-1 Chanmari West FC

First half ah penalty atang ve ve in goal an khung a, Chanmari West FC lam hian thun hmasain, 14 mins ah Lalnunhlua chuan penalty atangin Chanmari West FC hma a hruaipui a, mahse he goal hi minute 4 hnuah penalty atang vekin Lalchhuansanga chuan Kanan FC tan a rawn rul a, tichuan goal dang a awm ta lo. Kanan FC hian hun tha tak an nei, an chak a nih chuan FC RS Annexe chungah awmin, Play off ah pahnihna an ni thei. Mahse Chanmari West FC hian chance an insiam chho ve ta mek zel a, an match hnuhnung pahniha an chak a nih chuan luh theihna chance an la nei dawn a ni.

saeretre

 

first half ah hian Chanmari West an chungnung zawk a, mahse Kanan FC hian chance an insiam hnem zawk maithei, Sangbera tauh goal loh kha chu Kanan FC lam chuan an ui khawp ang le. Lalruatsanga pawh khan chanmari West keeper pet khumin a ti goal teuh hle mai a,  chanmari West No. 8 Tlanghmingthanga shot kha chu a turu khawp mai, mahse a out hlauh mai a, Long pass tha zet F. lalnunhlua Volley kha chanmari West FC tan chuan a uihawm khawp ang le.

ghrrrr

Second half ah hian an inhneh tawk em em a, half chance an nei ve ve reng a, goal lut tam lo mahse goal mouth action a awm reng a, a hmuhnawm khawp mai. hun tawp dawna Sangbera shot goal ta lo pawh kha lut ngat selang chuan a mawi khawp ang le. Sangbera siam hi Lalruatsanga chuan Kanan FC tan a thelh ho hle mai a, chanmari West FC free kick Lalnunhlua pet a goal teuh hle mai, Mahse Kanan FC keeper in a save tha em em bawk.

atfwtew

Second half hi a hmuhnawm em em a, chak zawk nih an inchuh a, mahse goal dang a lut thei ta lo. Kanan FC hian sawi tawh angin hnehna chang ngat selang chuan dinhmun tha takah an inhlang kai tawh tur a ni a, hetih lai hian Chanamri West FC erawh beisei an rawn nei thar chho ve mek a, match hnuhnung pahnihah hnehna an chang a nih chuan luh theihna chance an la nei dawn a ni.

 

(Muantea hian data zawng zawng a lo ziak chhuak a, Lammual tlangah thuin, a rawn update char char bawk a, a chungah kan lawm khawp mai)

 

Play Off Teams

P

W

D

L

GF

GA

GD

Pts

Chanmari FC

5

4

1

0

9

3

+6

13

FC RS Annexe

5

3

0

2

6

5

+1

9

Aizawl FC

5

2

2

1

9

4

+5

8

Reitlang FC

5

2

2

1

9

4

+4

8

Kanan FC

5

2

2

1

10

8

+2

8

Chanmari West FC

5

1

1

3

9

10

-1

4

College Veng FC

5

1

0

4

4

16

-11

3

Theiriat FC

5

0

2

3

6

11

-5

2

inkhel 2013

Top Desktop version