inkhel

Switch to desktop Register Login

Modibo Maiga West Ham ah

  • Written by digimalt

Frederic Kanoute hnung zuiin Maiga chuan West Ham a zawm ta a, Mali Striker Modibo Maiga chuan French club Sochaux atangin West Ham chu kum 4 atan £4.7m velin a zawm ta.

Kum 24-a upa hi Centre forward leh wing ah a hman theih ve ve a, a contract hi kum hnih dang atan pawh sei theih tura inremna saui tan a ni.

"WestHam club hi England clun lian a ni a, theih tawk chhuah ka tum a ni," tiin Maiga chuan a sawi. Maiga hian Lee Mans atanga July 2010-a Sachaux a zawm hnu khan Sochaux tan vawi 52 inlanin, goal 24 a khung hman a ni.

"West Ham United ka zawm hi ka lawm em em a, ka chhungte ka zawm ang maiin ka inngai a, he club kalphung hi ka ngaina a, chu chu ka zawm chhan ber ani. Player lar tak tak an lo khel tawh thin, chumite hnung zui theia ka awm hi ka lawm tak zet a ni," tiin Maiga chuan a sawi bawk.

Maiga hian 2011 nipui bazar khan Newcastle United zawmna hun tha a nei a,thil tihfel a ni tep tawh, mahse medical test ah a khup hliam avangin Newcastle hian an la ta lova.

Maiga hi Malian player west ham zawm pahnihna a ni a, Frederic Kanoute hnu zuin West ham ah hmun a khur ve ta a. Kanoute kha tunah kum 34 a ni tawh a, China lamah a khel tawh a ni. Kanoute khan West Ham tan game 92 khelin, goal 33 a khung a. Maiga hi West Ham in player an lei thar pangana a ni a. Goal keeper ussi Jaaskelainen leh Stephen Henderson, defender Mc Cartney leh midfielder Diame te an lo lei tawh a ni.

inkhel 2013

Top Desktop version