inkhel

Switch to desktop Register Login

Gurpreet Singh an Wigan ah trial a nei dawn

  • Written by Zaua NicoGaitan

gur

India U-22 goalkeeper,tuna East Bengal a khel mek Gurpreet Singh Sandhu chu Premier League club Wigan Athletic ah tun kar hian trial a nei dawn.

Bhaichung Bhutia leh Sunil Chhetri te hnungzuiin Gurpreet Singh hian Asia U-22 Qualifying Round an khelh vanga chawlh an neih mek na chu chhawrtangkai tumin ni 15 khan Wigan lam hi a pan a,July 24 ah hian India ram lamah East Bengal lama a teammate te a rawn zawm leh dawn ani.

Gurpreet Singh a tan hian Wigan a khelh theih hi a beiseiawm chiahloh hle a,India hin FIFA Ranking a an hniam em avang te,India team tan ala khelh hnem tawkloh vang te leh work permit neih a harsat dawn em avangin beisei lo pek sanloh phawt a finthlak hmel zawk awm e.

Kum 20 lek a upa,ft 6’5 laia sang Gurpreet Singh-a hi Punjab lam mi niin kum 8 mi lek anih lai atangin a inkhel tan tawh a,kum 2009 khan East Bengal junior team tan khel tan in kum 2010 khan East Bengal ah hian contract puitling a ziak ani.East Bengal team ah hian no 1 nih na chang lawk theilo in a awm a,Pailan Arrows(Indian Arrows) ah te a khelh kual hnuah Indian Federation Cup 2011 hnuah khan East Bengal tan no 1 nih na a rawn chang chho tan ta a,2011-12 season ah khan East Bengal tan vawi 21 lai in lan in tunah hian hma bak eng tak a nei chho mek ani.

inkhel 2013

Top Desktop version