inkhel

Switch to desktop Register Login

Russia chuan an coach duhzawng an zawng mek

  • Written by digimalt

Russia chuan an ram Football coach atana an mi duh an tarchhuak ta a, chung zingah chuan Harry Redknapp leh england manager lo ni tawh Fabio Capello te an tem a ni.

The Russia Football Union (RFU) chuan an manager kal chhuakta Advocaat-a hmun ruak hnawh khat tur hian hma an la char char a, an duhtui bakah coach tha tak tak leh hrawl tak tak an melh a ni tih a chiang. Liverpool manager lo nitawh Rafael Benitez pawh Advocaat thlak thei tur zingah a hming a lang a. Kan hriat tawh angin Euro 2012 khelh a nih hma khan Advocaat khan PSV Eindhoven a zawm tur thu a lo sawi lawk tawh a nih kha.

Kum 65 mi Redknapp hi Russia manager ni thei tura rinkai ber a ni a, a ni hi kan hriattheuh angin England in Euro 2012 an khelh dawn khan coach atana mipui duh leh rinkai a ni a, mahse FA chuan Roy Hodgson an ruat ta daih si a, tunah hian Tottenham atangin a chhuak tawh bawk nen, hna a nei lova, Russia National team hi a enkawl mai a rinawm ta a ni. Redknapp hian London Club Tottenham chu 2010-11 season khan Champions league quarter final a thlenpui a, tin season liam ta khan Tottenham chu premier League ah Top 4 ah a hlangkai bawk a ni.

RFU in an mi duhzawng an tarchhuahte chu, Rafael Benitez, Anatoliy Byshovets, Marcelo Bielsa, Valery Gazzaev, Josep Guardiola, Fabio Capello, Andrei Kobelev, Yuri Krasnozhan, Marcello Lippi, Valery Nepomnyashchy, Nikolai Pisarev, Harry Redknapp, Yuri Semin, te an ni a, Manchester City manager ni mek, season liamtaa Premier League title city lakpuitu pawh an duhin, an bia nia sawi a ni bawk. Tin, barcelona coach chhuakta Pep Giardiola pawh an duh zingah a tel chiang a, a ni hian kan hriat angin Barcelona-ah contract thar a ziak duh ta lo a nih kha.

inkhel 2013

Top Desktop version