inkhel

Switch to desktop Register Login

‎2nd Division I-League khel turin Aizawl FC chiang ta

  • Written by digimalt

Written by : Gerrarda Pa

India rama football league inelna sangber dawttu 2nd Division I-League, 2012-13 ah team 21 zingah Aizawl FC chu an tel dawn chiang ta a, vawiin, 25th January khan AIFF atangin an tel theih tur thuchiang an dawng a, provisional clearance karleh lamah an dawn tur thu hrilh an ni nghal bawk.

Mizoram atanga team tel tur awmchhun Aizawl FC hian theihtawp chhuahin hmalam a pan mek a, Mizoram Premier League-ah Pathumna ni mekin vawi 5 khelh tur an la nei a, hmahruaitu Mizoram Police FC nena an inthlauhna chu point 5 chauh a ni tawh a ni.

Aizawl FC General Secretary Joel Lalthangmawia chuan, "Kan President inpekna leh team enkawltute inpekna avanga hetiang dinhmun thleng thei hi kan ni a, kan lawm khawp mai. Mahse, tunah hian ball pawh kan la pet lova, tih tur tam tak kan la hmabak a, a chakawm rual rualin kawng a la thui hle a ni", a ti.

Aizawl FC hian season hmasa khan 2nd Division I-League Final Round an lo lut tawh a, Mizoram club zinga hetiang dinhmun thleng thei hmasaber an ni a, thui zawk kal theihna kawng a inhawng a, engkim anmahni chungah a innghat dawn ta a ni. Tunah hian Aizawl FC hian foreigner pathum kawl mekin Asian Origin player an dap leh mek a, inpuahchahna hun an neih that phawt chuan thui tak an kal theih mai rin a ni.

2nd Division I-League khel team 21 te chu:
EMTA Mohammedan Sporting Club, Kenkre Sports, Rangdajied United FC, Green Valley Sports Club, Hindustan FC, Langsning FC, Kalighat Milan Sangha FC, Techno Aryan, DSK Shivajains FC Pvt Ltd, Southern united FC1 Pvt Ltd., PIFA Sports, Kohima Komets, Vasco Sports club (goa) Pvt Ltd, Dodsal Sports, Shimla Youngs FC, Royal Wahingdoh FC Pvt Ltd, Samaleshwari Sporting, Eagles FC, United Soccer Pvt. Ltd., Aizawl FC, George Telegraph Sports Club.

inkhel 2013

Top Desktop version