inkhel

Switch to desktop Register Login

Bayern Munich chak tluang zel, Bundesliga Report

  • Written by digimalt

 

German Bundesliga lamah Bayern Munich chu an chak chho zel a, Point 7 laia an mahni hnaih ber tu Schalke lakah an hmahruaina chu an la chhunzawm zel a. November ni 10 zan hian match 5 a awm a, November ni 9 zanah match khat a awm a. Mainz 05 chuan 2-1 in FC Numberg an hneh a.

Zanin hian Borrusia Dortmund chuan 3-1 in FC Augsburg an hneh a, Table pahnihna Schalke pawhin 2-1 in Werder Bremen an hneh a, Humburg erawhin an khingpui an draw a, Hoffenheim pawhin an khingpui an draw a, Bayern Munich erawh 2-0 in Eintracht Frankfurt lakah an chak a ni.

Allianz Areana-ah Bayern Munich chuan 2-0 in Eintracht Frankfurt an hneh a, Goal hmasa zawk hi first half tawp dawn tepa lut a ni a, Bayern munich hmatawngte hian Frankfurt tlar hnung an thiat darh hneh hle mai a, Javi Martínez ball pek tha zet mai chu Ribery chuan awlsam taka thunin, 1-0 in Munich hian first half ah hma an hruai a.

Goal hnihna hi 77 mins-a lut a ni a, penalty atanga pet luh niin Schweinsteiger chuan penlaty a hlawh chhuak a, Alaba rawn ding chhuakin, chiang takin a khunga. Goal dang a luh belh lo. 2-0 in Bayern Munich chuan hnehna an chang ta a ni.

kjahwek

SGL arena-ah mikhual Dortmund chuan hnehna an chang a, Home team FC Augsburg hian Dortmund hi an hneh lo hle mai a, tan atanga minute 8 naah Europe lama che tha tak Reus chuan Dortmund tan goal hmahruai a khung a, first half -ah goal a luh chhunzawm ta lo. Second half 51 mins-ah Polish footballer Lewandowski chuan Dortmund goal hnihna khungin, 70 mins-ah goal thumna a khung chhunzawm leh ta nghal a. 3-0 a ni ren rawn a, 81 mins ah mual neitu FC Augsburg tan Molders chuan goal khat a rawn khung ve a, tichuan 3+-1 in mikhual Dortmund chuan hnehna an chang ta a ni.

Veltins-Arena-ah Schalke chuan 2-1 in Werder Breman an hneh a. Mikhual hian goal an khung hmasa a, 16 mins-ah Hunt chuan Bremen tan goal a khung a, first half-ah goal a lut tawh lo, 1-0 in mikhualin hma an hruai. Second half 59 mins ah Schalke tan Neustädter chuan an si phurh a rul a, 69 mins -ah Draxler chuan Schalke hmahruaina goal a khung ve leh a. He goal hi chakna goal a ni ta a, Schalke 04 chuan 2-1 in Werder Bremen an hneh ta a ni.

Friday November 9 - Day 11
9 Nov, 19:40 FSV Mainz 052 - 11. FC Nürnberg Coface Arena, Mainz
Saturday November 10 - Day 11
10 Nov, 14:30 Schalke 042 - 1Werder Bremen Veltins-Arena, Gelsenkirchen
10 Nov, 14:30 Bayern Munich2 - 0Eintracht Frankfurt Allianz-Arena, Munich
10 Nov, 14:30 FC Augsburg1 - 3Borussia Dortmund SGL arena, Augsburg
10 Nov, 14:30 Fortuna Düsseldorf1 - 1Hoffenheim ESPRIT arena, Düsseldorf
10 Nov, 14:30 SC Freiburg0 - 0Hamburger SV MAGE SOLAR Stadion, Freiburg

inkhel 2013

Top Desktop version