Manchester City leh Arsenal an la inkhel dawn, hemi hma hian Man Utd chuan QPR 2-0 in an hneh a, point 8 laiin Premier League ah hma an hruai ta. Man Utd hian hnehna chang mahse inkhel zawng zawng ti danglam vek tu chu Ashley Young DIVE vang a ni e. Penalty atangin Rooney chuan goal hma hruai a thun a, Scholes chuan second half ah an chakna ti chiang turin 30 yard atangin mawi takin a tihdan thin pangaiin goal a thun leh a, Man City lakah point 8 a an fal mai bakah goal khatin Man City aiin goal an thun tam ta a ni.

Man Utd hian a tir atangin an nawr nghal a, goal thunna chance pawh an nei tep zel. Mahse minute 13 a rawn thleng a, thil zawng zawng a danglam ta. Rooney chuan Ashley Young tlanlut lai hmuin, ball a pe a, mahse a offside chiang kher mai. Hetih lai hian linesmen chuan aphar lo !!! Chutah Derry chuan zawi tein a tawk a, Young chuan English tihdan loh takin a DIVE ta a, Referee Mason chuan red card phawrh nghalin, Penalty a kawk ta vang mai a. Pen khat vel laiin a offside a, chu chu linesmen khan a hmu lo thei kha amak khawp mai. Kha kha chu phar selang chuan a hnua thil thleng kha chu a thleng hauh lovang. Lastman in striker goal thun tur a tih tluk chuan redcard ngei ngei tur a ni a, referee thuthlukna kha chu ka dem lo, a chhan chu Young khan a bum chiang em a ni. Tichuan Rooney chu a rawn dingchhuak a,ding lamah petin keeper Kenny chuan a dang teuh hle. Man Utd chuan 1-0 in Old Traford ah hma an hruai ta a.

Man Utd hian inkhel an thunun hneh hla mai, mahse goal erawh an thun thei mai lo. A chhan chu QPR hian decipline tha takin an khel a, United hian shot na chance pawh an nei mang lo kan ti thei awm e. 34 mins ah Rooney chuan keeper chip khum a tum a, mahse kenny position dikah a lo awm hman hlauh mai. Second half 46 mins ah Valencia cross chu Welbeck chuan goal ah a thun a, mahse linesmen in offside a phar vang mai.Helaia Anton Ferdinand leh a hoten offside an appeal dan hi a thain a nuaihzatthlak reuh khawp mai, an awmhmun sawn duh lovin referee lam hawiin "hei rawn en la", ti ni awm takin an phar a, offside trap an siam fu khawp mai. 58 mins ah Scholes chuan mawi mangkhengin Rafael a siam a, hei hi Rafael chuan goal ah a chantir thei lo hlauh mai. QPR keeper Kenny chuan tha zetin a lo save a, a per chuan goal ban a per a.60 mins ah Welbeck pawhin chance a nei a, mahse keeper in a lo dang leh bawk. 67 mins a lo thleng a, Chawl tawh an koh let leh Scholes chuan 30 yards atangin mawi zetin a tihdan pangain goal a khung leh a. QPR keeper che tha zet pawhin a dang thei lo. Keeper awmna a thlen hian a kum lehnghal a, keeper tan tihngaihna a awm lo a ni e. Tichuan hun a tawp ta a, Man Utd chuan 2-0 in hnehna an chang ta a ni.

Inkhel pumpui hi thlir ila, Linesmen leh referee chet sual vangin inkhel hmuhnawm tur zawng zawng a bo zo vek a. Offside chiangtak phar lovin, DIVE player penalty an pek mai bakah defender pakhat hnawhchhuah a ni bawk a. QPR tan chuan a runthlak khawp ang le. Tin Man Utd um char char tu Man City tan pawh he thil hi chu huatthlala tak a ni ngei ang.Player pakhat kha hnawtchhuak lo selang chuan Team tha QPR hian Man Utd hi an draw thei maithei a. A nih loh pawhin open play hmuhnawm tak kan hmu anga, goal tam zawk pawh kan hmu maithei a ni.Referee ten inkhel an tawp hmain an ham tawp kan ti thei awm e. Hetih lai hian QPR in chance an pe duh lova, United lamin shot na chance tak ngial pawh an hmu mang lo. Scholes-a thun kha Penalty box pawn atangin a ni a, Carrick pawhin 30 yards atangin woodwork a pet per bawk a. Hei hian a hril chu, QPR defending a tha thlawt.Sawi leh thin ila, referee te an che chhe tawp mai. Rooney khan card a hmu lo !! Rafael khan a hma khan card a hmu lova, secodhalf tawp lamah a tluk sual vangin pek a ni leh lawi si a. Premier League boruak san chho lai takin player te ni lovin referee in boruak an zo lo leh pek dawn niin a lang tlat mai. Nizan lamah lah Ivanovic kha offside chiang tak a ni bawk a. A sawisel duh tan chuan zanin inkhel chu sawisel tur a tam khawp ang le. Engpawh nise Man Utd in chak an phu a, red card phawrh hma pawhin inkhel an thunun a, chak an phu a ni. Young erawh a mah tantutur man utd fan te pawhin an BOO a nih kha.

• < Prev
• Next >