inkhel

Switch to desktop Register Login

2013 NECS CUP Champions : Ramhlun South

NECS CUP hmasa ber chu zawh a ni ta a, Team 96 telna Tournament ah hian Ramhlun South chu an champion ta a, Final-ah hian Leitan nen hun pangaiah 1-1 in an inhnehtawk a, extra time ah pawh an la inhnehtawk zel hnuin Penalty Shootout ah Ramhlun South chuan 5-3 in hnehna an chang ta a ni.
 
Leitan 1-1 Ramhlun South 
Penalty Shootout-ah Ramhlun South 5-3 in an chak
(Lalrinchhana 74') (R. Laldanmawia 40')
 
Line UP :
Leitan : MC-a ,Ramengmawia,B. Zoramthara,Chhanrinpianga,Pipi-a,Valpuia,Nunpuia,MS Dawngzela,Chhawnkima, Lalrinchhana, Malsawma 
Ramhlun South : Zaitea ,Malsawmfela, Thlamuana, Zotea, Rosanga, Ropuia, Lalmama, Muansanga, Rempuia, Danmawia, T.Mawia (GK)
Inkhelh tan atangin game a hot nghal a, game inbuk tawk tak a ni. Leitan hian minute 20 hmain half chance vawi 2 an nei hman a, bul an tan tha zawk a tih theih, mahse Ramhlun South game a rawn tha tan a, 23 mins a lo thleng a, Lalthlamuana chuan zuang chungin side volley a nei a, goal bar a per dawp, a goal teuh hle mai, Ramhlun South an khel tha chho tual tual.
30 mins a lo thleng a, Ramhlun South tan R. Laldanmawia chuan clear chance a thelh hlauh mai le. Penalty area-ah ball lalutin tuma tihbuai lohvin a pet goal lo hlauh mai le. Hemi hnu lawk hian Ramhlun South in goal an khung leh teuh kher mai, Zautea chuan free kick petin goal bar a pet per dawp mai a. Goal a la awm lo.
40 mins a lo thleng a, Ramhlun South chuan goal an khung ta nge nge, goal khungtu hi tu dang ni lovin MPL best player R. Laldanmawia a ni a, side atanga Zautea free kick chu box chhungah far post atangin tauh let lehin Danmawia hian awlsam takin near post atangin a pet goal ta nge nge a. R. Laldanmawia hian NECS CUP ah hian goal 8 a khung ta. Goal dang a lut tawh hrih lo, Half time a ni a, 1-0 in Ramhlun South chuan hma an hruai a.
Second half tan a ni a, Leitan hian an si phurh sut tumin theih tawkin an nawr a, inkhelh tan atanga minute 5 lekah goal an khung teuh nghal hle mai. Zorema chuan goal bar a pet per dawp mai a. 55 mins a lo thleng a, MC-a chuan box chhungah ball tlanluhpuiin, Tlantluanga chuan a lo titlu a, referee in penalty a ham ta. Penalty hlawhchhuak tu MC-a ngei chuan petin, mahse Ramhlun South goalkeeper T.Mawia chuan a lo save hlauh mai a. Leitan chuan an si phurh an la sut thei ta lova.
74 mins a lo thleng a, red card phawrh a ni ta. Ball kang chu Ramhlun South captain Zotea chuan a tauh phak lo chiah chiah, ball tlang tur chu a kut chuan a khawih ta a. Referee chuan a lo hmu chiang kher mai si a. Zotea hi hnawtchhuakin, Leitan chu penalty a pe ta a. Lalrinchhan rawn dingchhuakin, goal-ah a chantir ta a. Leitan chuan an si phurh an rul ta. 1-1 a ni ta.
86 mins a ni a, kim lo zawk Ramhlun South chu an bet chhunzawm ta zel a, Leitan chuan goal khungna chance tha zet an nei, B. Zoramthara free ball chu Ramengmawia hian umin, Ramhlun South goalkeeper T.Mawia chuan a lo tibuai hman a, hemi ball per hi B. Zoramthara hian chang lehin, a pet over hlauh mai. 89 mins a ni ta. Ramhlun South tana goal khungtu R. Laldanmawia chuan goal a khung leh teuh kher mai, Leitan defender tlanpelin, keeper chauh a hmachhawn a, mahse keeper zawnah tak a pet hlauh mai le.
Hun tawp lamah kimlo zawk Ramhlun South game a rawn tha kher mai le. Goal pawh an khung teuh thin khawp mai. 90 mins a thleng a, Malsawmfela chuan goalkeeper zawnah a tauh hlauh a, a goal lo. Hun pangai a zova, minute 5 pek belh a ni a. Goal dang a luttawh lo, 1-1 in hun pangaiah an inhnehtawk a, extra time khelh a ni dawn ta.
Extra time khelh a ni a, Ramhlun South hi kimlo zawk pawh ni mahse an khel tha em em a, goal thunna chance pawh an nei nawk mai. Mahse chance uihawm tak Leitan pawhin an nei a, Ramengmawia chuan 6 yard box atangin a khung thelh a ni. Tichuan extra time-ah pawh an la inhnehtawk tho avangin penalty hmanga thelh a ngai ta a.
Penalty Shootout ah hian Ramhlun South chuan pet hmasa in, R. Laldanmawia chuan a pet goal a, Leitan atangin LT Chhuankima pawhin a pet goal ve leh a. An pet goal chho zel a, Vawi 4 an petnaah LT Ramengmawia chuan Leitan tan a pet goal lo ta hlauh mai le. Ramhlun South keeper T.Mawia chuan a lo save a. Tichuan Lalmama chuan Ramhlun South tan goal 5-na khungin, Ramhlun South chuan 5-3 in hnehna an chang ta a, NECS CUP hmasa ber champion an ni ta a ni.
Top Scorer chu H. Lalnunzira (Chanmari West) a ni a, game hnihah goal 8 a khung a ni. Best player-ah Lalchhuankima (Leitan) thlan a ni a, Fair play hi Leitan in an la a ni.
Last modified on
Rate this item
(5 votes)
digimalt

digimalt is an Administrator at inkhel.com. He works  out of the Goverment's Office in Aizawl, and loves his dog TIM.

back to top

inkhel 2013

Top Desktop version