inkhel

Switch to desktop Register Login

Arsenal 3-3 Norwich

  • Written by digimalt

April 5,2012.

Emirates Stadium

Arsenal 3-3 Norwich

Ref: Taylor
Att: 60,092

Champions league automatic a qualify chu Premier League ah chuan top 3 ho hi an ni. Arsenal chu pathumna an ni mek a, an hnuaiah hian Newcastle leh Tottenham an awm bawk si a, chuvang chuan chak vek an mamawh tawh. Chutih laiin zaninah Emirates Stadium ah Norwich an draw khauh mai. Wenger a thinrim nasa, nia.. thinrim em em na tur a ni tlat mai an defending chhiat zia mawlh mai kha !!

Inkhel chanchin sawi tak tak hmain Norwich an draw hi team dangte tan a pawimawh rem rem khawp mai a, Kristian ten chatuan nun thlenga hawlh tlang kan tih ang maiin Premier League ah chuan a tawp hmawr bawk na pawimawh em em leh dinhmun chi hrang hranga team dangte dintir thei a ni tlat mai. game 37 an khel ta chiah a, an draw avangin point 67 an hmu. An hnuaiah hian Tottenham leh Newcastle te chu 65 points ve ve hmuin 4na leh 5na an ni a. An ni pahnih hi Sunday zanah an chak a nih ngat chuan 68 points an nei anga, 3-na leh 4-na an ni a anga, Arsenal erawh 5-na an ni daih dawn.

Tin, tunah hian 83 points ve ve neiin Man City leh Man Utd chu 1-na leh 2-na an ni a, Man City hi Goal diff. in an sang zawk a. Hetih lai hian Sunday zanah Newcastle chuan Man City an khel dawn. Man City hian an hneh dawn nge dawn loh hriat a ni lo. Newcastle hian Champions league khelh ngei an tum ruh ve si a,a hma kha chuan ankhelh hmabakah lo chak vek pawh nise Tottenham hnuaiah an awm dawn tho thova, chuvang chuan chance an tlem khawp. Tunah erawh Arsenal in kawng zau takin an hawn sak ta si a. An tan hian chak an ngai a ni. Hetih lai hian Man City pawh an draw emaw an chaklo hlauh a nih chuan Man Utd tumpui turte hi an tha em em tawh lo niin a lang bawk si a. Premier League season hmuhnawm ber tum a ni ka ti.

Inkhel chanchinah lut tawh ang. tan atanga minute 1 leh second 5 ah Benayoun chuan veilam sir atangin mawi takin athuai goal a, he goal hi 11 mins ah Hoolahan chuan Norwich tan a rul a,Kyle Naughton chaun dinglam sir atangin a cross a, Hoolahan chuan 8 yard vel atangin a shot a, Wojciech Szczesny chuan ho em emin a chhuah ta a nih chu !! Kha shot kha dik tak chuan awlsam taka lo man theih a ni chiang mai, engtia tih nge a tum le ka ti .. 26 mins ah Norwich chuan conter attack an nei a, forward pathum an tleh phei a, arsenal defender pahnih in goal veng turin an tlan let a. Wesley Hoolahan chuan chhak lama Holt tlan chu a pe a, a ni hian a shot ta a, Gibbs chuan lo dang perin, keeper a khum ta daih a, a goal leh ta. Norwich chuan 1-2 in Arsenal home ah hma an hruai ta vang mai. Frist half ah goal dang a lut ta lo.

Second half tan a ni a, Arsenal hian goal thun an tum khawp mai a, mahse Norwich counter attack chu a hlauhawm em em ziah mai si a. 72 mins a lo thleng a, Song siam tha zet chu Van Persie chuan a thun a, he goal hi a nalh kher mai. 80 mins ah Persie bawk hian buai nuai nuai kar atangin a thun leh a. Arsenal chuan 3-2 in hma an hruai ta a. Amaherawh chu an goal an humhim thei bik lo. 85 mins ah Jonathan Howson siam tha zet mai chu a khalh kawi lovin Morison chuan chiang set sawtin a thun leh ta a. tichuan 3-3 a ni ta. Hun a tawp zui ta mai si a, Arsenal chuan chak tum viau mahse an inhnehtawk thei ta hram a ni.

He match ah hian penalty pek awm tak tak pathum chu Referee Taylor chuan a pe lova. First half ah Norwich hian penalty vawi hnih lai hlawh thei an ni a, second half ah Arsenal hian penalty phu tak an nei ve bawk. 88 mins ah Van Persie goal thun tur chu Naughton chuan a titlu a, kha kha chu penalty tur chiang tak a ni. Mahse nia.. first half lamah pawh Norwich lam hian penaty vawi hnih lai an chan a, sawi sel tur an ni bik hran lo. Inkhel pumpui thlirin Norwich khan chak an phu a, goal 6 lai pawh thun thei an ni. An counter attack kha a hlauhawm em em ziah a, hmatawnga an dah Holt leh Jackson te an tangkai khawp mai.Norwich keeper Ruddy mawlh mai kha,a va han che tha em em ve mawle, a chhuah ho kha chu a awm vek mai. hun tawp dawn a Gervinho khen a lo dan te, Gibbs tauh a lo ben thlak kha, kha mawlh mai kha a ropui a ni.

Arsenal defender te an khel chhe tawp mai a, hetih lai hian an hmatawng erawh an khel tha thung a, Arteta inhliam erawh an tuar khawp mai. Hun tawp dawna penalty an hlawh lo kha Wenger chu a thinur zual a,"Season tluanin penalty vawi khatmah kan la hlawh ve lo, team dang te erawh vawi 10 lai hlawh te an awm si a. Penalty pek a ni lo kha a chhan ka hre lo a ni, referee thuthlukna kha kan pawm a ngai si a.First half ah kan khel tha lo, kha ai mah khan penalty hlawh tur kan ni asin mawle," tiin inkhelh zawhah a thinrim thu a sawi chhuak. RVP chuan goal 30 a thun tling ta a, King Henry-a'n Premier League season khat chhunga a goal thun chu a khum ta a. tunah hian RVP chu Premier League top scorer a ni mek a, Rooney chuan dawtin goal 26 a thun ve bawk a ni.Thil pawi zet mai chu, Arsenal defender Sagna chuan a ke a titliak leh ta a, hei hi a vawi hnihna a ni ta a, October thla khan Tottenham nen an inkhelh tumin a inhliam tawh a nih kha, Arsenal tan chuan hun pawimawh takah a inhliam si hi a pawi khawp ang le.

inkhel 2013

Top Desktop version